सर्वोच्चको इजलाशमा सेनानी रञ्जित डाँका मुद्दामा फरार रहेको जिकिर
नेपालबहस संवाददाता
कात्तिक १२, २०८० आइतबार १२:५१:४६
११ कात्तिक, काठमाडौं । नेपाली सेनाका प्राड विवाक 'कानुन विभागका' सेनानी 'मेजर' राजकुमार रञ्जितलाई डाँका मुद्दामा फरार रहेको आरोप लागेको छ । गत असोज सर्वोच्च अदालतमा सेनाको तर्फबाट प्रतिरक्षा गर्न इजलासमा पुगेका रञ्जितलाई डाँका मुद्दामा फरार रहेको आरोप लागेको हो ।
पूर्व महासेनानी 'कर्नेल' महेन्द्रजंग शाहले आफूलाई कानुन विपरीत अवकाश दिएको भन्दै हालेको रिटमा सेनाका तर्फबाट प्रतिरक्षा गर्न उनीसहित सेनाको कानुन विभागका अधिकृतहरूको इजलासमा बाक्लो उपस्थिति रहेकै बेला उनीमाथि सो आरोप लागेको हो । प्रधानन्यायाधीश विश्वम्भरप्रसाद श्रेष्ठ र मनोजकुमार शर्माको इजलास समक्ष पूर्व कर्नेल शाहले लिखित रुपमै आफ्नो भनाई राख्ने क्रममा सो आरोप लगाएका हुन् । सर्वोच्च अदालतका स्रोतका अनुसार प्रधानन्यायाधीश श्रेष्ठ र शर्माले उनलाई पाँच मिनेटमा कुरा राख्न समय दिएपछि शाहले रञ्जितमाथि सो आरोप लगाएका थिए ।
उनले जिल्ला अदालत, काभ्रेले २०६३ सालमा रञ्जितकारलाई ‘फरार अभियुक्त’ करार गरेको फैसलाको प्रति पनि इजलासलाई बुझाएको स्रोतको दावी छ । २०५७ सालमा काभ्रेको नालामा भएको डकैतीमा अदालतले रञ्जितकारलाई फरार भनेको थियो । रञ्जितकार सहित ५०–६० जनाको सशस्त्र समूहले यदुराज गिरीको घरबाट ३२ लाख ४९ हजार ८०० रूपैयाँ बराबरको नगद तथा धनमाल चोरी गरेको आरोप लागेको थियो ।
घटनामा संलग्न भएको अभियोगमा पक्राउ परेका शरणप्रसाद पराजुली, तुल्सीनारायण श्रेष्ठ र कृष्णप्रसाद दाहालले भने सफाइ पाएका थिए । तर रञ्जितकार सहितका प्रतिवादी अदालतको म्याद गुजारेकाले हाजिर हुन आएका बेला वा पक्राउ परेका बखत कारबाही प्रक्रियामा आउने गरी मुद्दा मुल्तबीमा राख्न अदालतले भनेको भन्ने अदालतको प्रतिपनि इजलाशमा बुझाएका थिए ।
बहसकै क्रममा सेनानी रञ्जितकारले मुद्दा हाल्ने व्यक्तिले सैनिक अनुशासनमा सजाय पाएको तर्क झिकेर ‘नैतिकहीनको’ को संज्ञा दिएपछि शाहले सो आरोप लगाएका थिए । पूर्व कर्नेल शाहले प्राड विवाक प्रमुख उपरथी प्रेमप्रकाश थापा समेत जन्ममिति विवादमा परेको भन्दै आफूलाई अनैतिक भन्नेको नै नैतिकता नभएको जिकिर गरे ।
थापाका २०२० भदौ १५ र २०२३ भदौ १५ दुई थरी जन्ममिति भेटिएका थिए। तर थापाले उच्च अदालत पाटनमा उमेर सच्याई पाउँ भनी हालेको रिटमा २०२३ भदौ १५ कायम भएको थियो । बहसको अन्तिममा रिट कर्ता शाहले आफ्नो कुरा राख्न भन्दै प्रधानन्यायाधीश विश्वम्भरप्रसाद श्रेष्ठ र मनोजकुमार शर्माको इजलास समक्ष समय मागेर सो जिकिर गरेका थिए ।
शाह सैनिक आचरण विपरीत काम गरेको भन्दै जंगी अदालतको कारबाहीमा परेका व्यक्ति हुन् । उपरथी प्रेम शाहीमाथि लागेको आर्थिक अनियमितताको विषयमा छानबिन हुँदा महासेनानी शाह र प्रमुख सेनानी कुलदीप तिम्सिना समेत तानिएका थिए । शाह र तिम्सिनाले उपरथी शाहीलाई सघाएको आरोप थियो ।
२०७९ फागुन १८ गते समरी जनरल सैनिक अदालतले २७ लाख ५१ हजार ५५० रूपैयाँ असुलेर उपरथी शाहीलाई सेवाबाट बर्खास्त गर्ने तथा शाह र तिम्सिनालाई दुई वर्षसम्म बढुवा रोक्का गर्ने फैसला सुनाएको थियो । बढुवा रोक्कामा परेका शाहको म्याद थप नभएपछि उनलाई असोज २८ गते अवकाश दिइएको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनेपाली सेनाले माग्यो ३१९ जना कर्मचारी
बैशाख १४, २०८१ शुक्रबार
सेनाको हिमाल सफाइ टोली आज नाम्चेबाट सगरमाथा तर्फ प्रस्थान
बैशाख ५, २०८१ बुधबार
सेन्ट्रल अफ्रिकन रिपब्लिकमा तैनाथ नेपाली शान्ति सैनिकहरुको अदलीबदली
बैशाख ३, २०८१ सोमबार
बस खोलामा खस्दा २० को मृत्यु, २१ जना घाइते
नेपालबहस संवाददाता
बैशाख २१, २०८१ शुक्रबार
नबिल बैंकबाट चोरिएको रकमसहित भारतको मोतीहारीबाट ३ जना पक्राउ
नेपालबहस संवाददाता
बैशाख २०, २०८१ बिहिबार
टी–२० विश्वकप खेल्ने राष्ट्रिय क्रिकेट टीमको बिदाइ
बैशाख २१, २०८१ शुक्रबार
प्रधानमन्त्रीका कुरा सुन्दा ‘कि सत्ता समीकरण फेरिन्छ, कि अध्यादेशबाट बजेट आउँछ’
बैशाख २२, २०८१ शनिबार
प्रेम प्रस्ताव अस्वीकार गर्दा छात्रामाथि गोली प्रहार, अभियुक्त पूर्वशिक्षक रहेको खुलासा
बैशाख २१, २०८१ शुक्रबार
चमेराहरू किन उल्टो झुण्डिएर सुत्छन् ?
बैशाख २२, २०८१ शनिबार
जिब्रोमा हुने सेतो दाग सबैभन्दा खतरनाक !
बैशाख २२, २०८१ शनिबार
जयनगर–जनकपुर रेलसेवा तीन दिन बन्द हुने
बैशाख २२, २०८१ शनिबार
शरीरका यी चार अंगमा तेल लगाउनुहोस्, कुनै पनि रोग लाग्दैन !
बैशाख २२, २०८१ शनिबार
कप्तान रोहित बने 'प्लेयर अफ द सिरिज'
बैशाख २२, २०८१ शनिबार
कैलालीको गौरीगंगामा माटोको ढिस्कोले पुरिएर एक महिलाको मृत्यु
बैशाख २२, २०८१ शनिबार