प्रतिक्षामा रेशमको फैसला, कात्तिक २३ मा अन्तिम सुनुवाइ

१७ कात्तिक, काठमाडौं । सर्वोच्च अदालतले बिहीबार व्यक्ति हत्याका दोषी रिगल भनिने योगराज ढकाललाई आममाफी दिने सरकारी निर्णय बदर गरि दिएपछि यसै प्रकृतिको कैलाली घटनाका दोषी रेशम चौधरीको कैद मिनाहा के हुन्छ भन्ने आज जिज्ञासा यति बेला छ । 

चैधरीको कैद मिनाहा विरुद्धमा सर्वोच्चमा रिट परेको छ । यो रिटको अन्तिम सुनुवाइ कात्तिक २३ मा हुँदैछ । सर्वोच्चबाट बिहीबार आदेश आएको केही घण्टामै प्रहरीले रिगललाई नेपालगन्जबाट पक्राउ गरिसकेको छ । सर्वोच्च अदालतले सरकारको सिफारिसमा कैद कट्टीसहित आममाफी पाएका रेशम चौधरीको मुद्दाको अन्तिम सुनुवाइ अर्को साता गर्दैछ । 

सर्वोच्च अदालतले सर्वस्वसहित जन्मकैदको फैसला सुनाइएका नागरिक उन्मुक्ति पार्टीका संरक्षकसमेत रहेका चौधरीको मुद्दाको अन्तिम सुनुवाइ कात्तिक २३ गते हुदैँछ । सरकारको सिफारिसमा राष्ट्रपति रामचन्द्र पौडेलले दिएको आममाफी विरुद्ध ‘कैलाली नरसंहार’ मा मारिएका तत्कालीन प्रहरी एसएसपी लक्ष्मण न्यौपानेका आफन्तले दिएको मुद्दाको सुनुवाइ कार्तिक २३ गते हुन लागेको हो ।

कानुनी व्यवसायी राधिका खतिवडा लगायतका दर्जनौं कानुन व्यावसायीहरुले विधिको शासन स्थापित गराउन न्यौपानेको परिवारको पक्षबाट निःशुल्क वकालत गर्दै आएका छन । प्रहरी एसएसपी न्यौपानेसहित सो नरसंहारमा एक बालक हत्यासहित ९ जनाको निर्मम तरिकाले हत्या गरिएको थियो । सो अभियोगमा तत्कालीन प्रतिनिधिसभा सदस्यसमेत रहेका चौधरी आफनो कार्यकाल भरी थुनिएका थिए । 

तर, सर्वोच्चले जन्मकैदको फैसला सुनाएको केही दिनमा नै पुष्पकमल दाहाल प्रचण्ड नेतृत्वको सरकारले उनलाई बाँकी कैद मिनाहा गरी आममाफी दिएको थियो । जसको विरुद्ध परेको रिटमाथि कार्तिक २३ गते अन्तिम सुनुवाइ हुन लागेको हो ।