भूकम्प प्रभावित क्षेत्रमा उद्धारमा जुट्न माओवादी केन्द्रले दियो पार्टी संगठनलाई निर्देशन

१८ कात्तिक, काठमाडौं । नेकपा माओवादी केन्द्रले जाजरकोट र रुकुममा भएको भुकम्पबाट प्रभावित क्षेत्रका स्थानहरूमा उद्धारमा जुट्न आफ्नो पार्टीका सबै स्थानीय निकायलाई निर्देशन दिएको छ ।

पार्टीका प्रवक्ता देव गुरुङले आज बिहान प्रेस विज्ञप्ति जारी गर्दै प्राकृतिक विपतको यस क्षणमा कर्णाली प्रदेश लगायत सिङ्गो पार्टीपंक्ति, जवस मोर्चा, विभागहरूलाई तत्काल उद्धार र राहतमा द्रुत गतिमा जुट्न पार्टीका तर्फबाट निर्देशन दिएका छन् ।

साथै तीनै तहका सरकार, सुरक्षा निकाय, सामाजिक संघ संस्था लगायत आम जनसमुदायलाई सक्रियतापूर्वक उद्धार तथा राहत कार्यमा लाग्न पनि उनले अपील गरेका छन् ।

नेता गुरुङले भुकम्पबाट भएको मानवीय र भौतिक क्षतिप्रति दुख व्यक्त गर्दै  मृतकहरुप्रति हार्दिक श्रद्धाञ्जली र परिवारजनमा गहिरो समवेदना व्यक्त गर्दै समवेदना र शिघ्र स्वास्थ्य लाभको कामना गरेका छन्