पाँच सयले घट्यो सुनको मूल्य, कतिमा हुँदै छ कारोबार ?

२० कात्तिक, काठमाडौं । नेपाली बजारमा सोमबार सुनको मूल्य ५०० रूपैयाँले घटेको छ ।  नेपाल सुनचाँदी व्यवसायी महासंघका अनुसार तोलामा ५०० रूपैयाँले घटेर छापावाल सुन १ लाख १५ हजार ४०० रूपैयाँमा कारोबार भइरहेको छ । 

आइतबार छापावाल सुन तोलाको एक लाख १५ हजार ९०० रूपैयाँमा कारोबार भएको थियो । तेजाबी सुन तोलाको १ लाख १४ हजार ८५० रूपैयाँमा कारोबार भइरहेको छ ।

चाँदीको मूल्य भने स्थिर छ । चाँदी तोलाको १ हजार ४१५ रूपैयाँमा कारोबार भइरहेको महासंघले जनाएको छ ।