भूकम्पमा ज्यान गुमाएका परिवारलाई तत्काल २ लाख दिने कर्णाली सरकारको घोषणा

२४ कात्तिक, सुर्खेत । जाजरकोट भूकम्पमा परी ज्यान गुमाएका परिवारलाई कर्णाली सरकारले २ लाख रुपैयाँ दिने घोषणा गरेको छ । शुक्रबार बसेको मन्त्रिपरिषद् बैठकले भूकम्पमा ज्यान गुमाएकाका परिवारलाई तत्काल राहत दिने निर्णय गरेको हो । 

प्रतिमृतक २ लाखका दरले रकम उपलब्ध गराउने निर्णय भएको प्रदेश सरकारका प्रवक्तासमेत रहेका आन्तरिक मामिला तथा कानुनमन्त्री कृष्णबहादुर जिसीले बताए । भूकम्पका कारण जाजरकोट र रुकुम पश्चिममा शुक्रबारसम्म १५४ जनाको मृत्यु भएको छ । यस्तै प्रदेश सरकारले भूकम्पमा घाइते भएकाहरूलाई घाइते भएकाहरूलाई पनि उपचार खर्च उपलब्ध गराउने उपचार खर्च उपलब्ध गराउने निर्णय गरेको छ ।
 
यस्तै एक जना मृतक भएको परिवारले २५ हजार रुपैयाँ किरिया खर्च पाउनेछन् । परिवारका सबै जना मृतक भएको खण्डमा त्यस्ता परिवारलाई ५० हजार रुपैयाँ किरिया खर्चबापत दिने निर्णय भएको छ ।