आर्थिक अनुसन्धान विभाग आफू मातहतमा राखेर गभर्नर अधिकारीले फेरे डेपुटी गभर्नरहरुको जिम्मेवारी
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
कात्तिक २५, २०८० शनिबार १४:३८:१७
२५ कात्तिक, काठमाडौं । नेपाल राष्ट्र बैंकका महत्वपूर्ण विभागहरूको जिम्मेवारीमा हेरफेर भएको छ । गभर्नरको जिम्मेवारीमा आएको लामो समयपछि गभर्नर महाप्रसाद अधिकारीले डेपुटी गभर्नरहरूको जिम्मेवारीमा फेरबदल गरेका छन् । जिम्मेवारी फेरबदल गर्ने क्रममा राष्ट्र बैंकको महत्वपूर्ण विभागका रुपमा रहेको आर्थिक अनुसन्धान विभाग आफू मातहतमा ल्याएका छन् ।
यसअघि यो विभाग डेपुटी गभर्नर निलम ढुंगानाले सम्हाल्दै आएकी थिइन् । डेपुटी गभर्नर ढुंगानासँग रहेका अन्य दुई विभागमा जिम्मेवारी फेरिएको छ । उनले सम्हाल्दै आएका भुक्तानी प्रणाली विभाग र नियमन विभागको जिम्मेवारी गभर्नर अधिकारीले अर्का डेपुटी गभर्नर बमबहादुर मिश्रलाई सुम्पिएका छन् ।
राष्ट्र बैंक कर्मचारीले दिएको जानकारी अनुसार यसअघि मिश्रले नेतृत्व गरिरहेको सुपरीवेक्षण विभाग र विदेशी विनिमय व्यवस्थापन विभागको जिम्मेवारी अब ढुंगानालाई दिइएको छ । अब डेपुटी गभर्नर मिश्रसँग राष्ट्र बैंकमा महत्वपूर्ण मानिने एउटा मात्र नियमन विभाग रहेको छ ।
कर्मचारीका अनुसार डेपुटी गभर्नर ढुंगानालाई मानव संसाधन व्यवस्थापन विभाग, संस्थागत योजना तथा जोखिम व्यवस्थापन विभाग, बैंकिङ विभाग र प्रदेश कार्यालयको जिम्मेवारी पनि थपिएको छ । अर्का डेपुटी गभर्नर मिश्रले मौद्रिक व्यवस्थापन विभाग, वित्त व्यवस्थापन विभाग, सूचना प्रविधि विभाग, सम्पत्ति तथा सेवा व्यवस्थापन विभाग, मुद्रा व्यवस्थापन विभाग पाएका छन् ।
अनुसन्धान विभागका साथै गभर्नर कार्यालय, वित्तीय जानकारी इकाई, आन्तरिक लेखा परीक्षण विभाग र कानुन महाशाखा विभाग गभर्नर अधिकारी मातहत ल्याइएको छ । यो जिम्मेवारी गत आइतबारदेखि लागु भएको छ । विगतमा डेपुटी गभर्नर निलम ढुंगाना तिमल्सिनाको मातहतमा रहेको आर्थिक अनुसन्धान विभागलाई गभर्नरले आफू मातहतमा लगेपछि वित्तीय क्षेत्रमा केही कडाइको नीति आउने अपेक्षा गरिएको छ ।
आर्थिक अनुसन्धान विभाग महत्वपूर्ण भएकाले यसअघिका गभर्नरहरूले पनि चलाउँदै आएका थिए । राष्ट्र बैंकको स्थापनापछि आएका गभर्नरहरूले विशेष गरेर यो विभागलाई केही आफू अन्तर्गत राख्ने र कहिले आफूले विश्वास गरेको डेपुटी गभर्नरलाई दिने गरिएको थियो । राष्ट्र बैंकले हेरफेर गर्ने नीतिको विषयमा आर्थिक अनुसन्धान विभागले काम गर्ने भएकाले यस विभागमा डेपुटी गभर्नर र गभर्नरको विशेष चासो रहन्छ ।
यसअघि युवराज खतिवडा राष्ट्र बैंकको गभर्नर भएका समयमा आर्थिक अनुसन्धान विभागलाई गभर्नर कार्यालय मातहत लगिएको थियो । चिरञ्जीवी नेपाल गभर्नर भएका समयमा यो आर्थिक अनुसन्धान विभाग डेपुटी गभर्नरले चलाएका थिए । जिम्मेवारी हेरफेरपछि आर्थिक अनुसन्धान विभागले सिधैं गभर्नरलाई रिपोर्टिङ गर्नुपर्छ यसअघि डेपुटी गभर्नर मार्फत् गभर्नरलाई रिपोर्टिङ हुने गरेको थियो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमौद्रिक नीति : वस्तु आयात गर्दा उपलब्ध हुने सटही सुविधामा वद्धि
साउन ११, २०८१ शुक्रबार
मौद्रिक नीति : वित्तीय साक्षरता अभियान सञ्चालन गरिने
साउन ११, २०८१ शुक्रबार
मौद्रिक नीतिः वैदेशिक रोजगारमा जानेलाई बिनाधितो ऋण उपलब्ध गराइने
साउन ११, २०८१ शुक्रबार
बाग्मतीमा कुन्दन काफ्लेको लफडाले रोकियो मन्त्रीहरुको शपथ
नेपालबहस संवाददाता
साउन ११, २०८१ शुक्रबार
सौर्य एयर दुर्घटना: यस्ता छन हृदयविदारक तस्वीरहरु
नेपालबहस संवाददाता
साउन ९, २०८१ बुधबार
माधव नेपालले दिए पार्टी फुटाउने कोसिस भइरहेको संकेत
नेपालबहस संवाददाता
साउन १०, २०८१ बिहिबार
'आइभिएफ' प्रविधिबाट बच्चा जन्माउनेको संख्या किन बढ्दैछ ?
साउन १२, २०८१ शनिबार
तपाईको आजको राशीफल कस्तो छ ?
साउन १२, २०८१ शनिबार
काठमाडौं उपत्यकामा सवारी दुर्घटनाबाट हुने मानवीय क्षति घट्दो क्रममा
साउन १२, २०८१ शनिबार
विपी कोइराला मेमोरियल क्यान्सर अस्पतालमा फिजियोथेरापी सेवा विस्तार
साउन १२, २०८१ शनिबार
जसपा नेपालले बोलायो केन्द्रीय समितिको बैठक
साउन १२, २०८१ शनिबार
पेरिस ओलम्पिकः काजकिस्तानले जित्यो पहिलो पदक
साउन १२, २०८१ शनिबार
क्लबको भूमिका समाज सेवामा होः मुख्यमन्त्री कार्की
साउन १२, २०८१ शनिबार