अर्थतन्त्र सुधारको खोजीः सर्वदलीय बैठकबाट सरकारले अर्थतन्त्र सुधारको साँचो भेट्टाउला ?
भेषराज पोखरेल
मंसिर ५, २०८० मंगलबार ७:०:२
सरकारले कमजोर अवस्थामा पुगेको अर्थतन्त्र सुधार गर्न सर्वदलीय बैठक बोलाउने तयारी गरिरहेको देखिएको छ । त्यसैको सिलसिलामा सरकारी अधिाकारी तथा संस्थाहरुबीच छलफल गरेको बुझिएको छ । कोरोनाको प्रभाव तथा रुस, युक्रेन युद्धका कारण विश्वको अर्थतन्त्र अझै लयमा आएको छैन । अझ नेपालजस्तो आयातमा निर्भर अर्थतन्त्र अत्यन्तै प्रभावित बन्न गयो । अहिले पनि नेपालको अर्थतन्त्रको बाह्य पक्षमा केही सुधार भए पनि आन्तरिक अर्थतन्त्र कमजोर बनेको बन्यै छ । अर्थतन्त्रका आन्तरिक पक्ष बलियो नबन्दासम्म गतिशील बन्न सक्दैन ।
विकासको गति रोकिन्छ । यसको वास्तविक कारण त पत्ता लाग्छ कि लाग्दैन भन्न सकिन्न तर सरकारले सरकारी तथा निजी क्षेत्रका विज्ञ, सरोकारवालाहरु तथा दलहरुसँग पनि विस्तृत छलफल गरेर निष्कर्ष निकाल्ने र त्यसै अनुसार कार्यान्यन गर्ने प्रधानमन्त्रीले बताएका छन् । अर्थतन्त्रजस्तो गम्भीर पक्ष कमजोर बन्दा सर्वदलीय तथा सर्वपक्षीय बैठक बसेर विस्तृत छलफल गर्नु र समाधान निकाल्न प्रयास गर्नु राम्रो कुरा हो तर टालटुल गर्ने निष्कर्षमा जाने कि वास्तविक समस्या पहिचान गरिने हो, त्यो भने हेर्न बाँकी छ । वास्तविक पहिचान गरियो भने पनि लागू गर्न सरकार सक्षम होला ? प्रश्न छँदै छ ।
नेपालको जस्तो कमजोर अर्थतन्त्र साँच्चै सुधार गर्ने हो भने दीर्घकालीन र अल्पकालीन दुई खालका रणनीति आवश्यक पर्छ । दीर्घ रणनीतिमा उत्पादनका स्रोतसाधनको उपयोग, उद्योग व्यवसाय, कृषि तथा अन्य धेरै प्राकृतिक संसाधनको व्यवस्थापन, विस्तार र उपयोगको कुरा आउँछ । मानव संसाधनको कुरा पनि आउँछ । यी सबै कुरामा सरकारहरु चुक्दै आएका छन् । छलफल गर्दैमा यो पक्षमा तत्कालै सुधार आउन सक्दैन । सबैतिरबाट सुझाव संकलन गरेर गम्भीर विश्लेषणपछि विषेश योजनाकारहरुको टोलीले योजना बनाएर अघि बढुनुपर्ने आवश्यकता पर्छ । नेपालमा यो अवस्था अत्यन्तै कमजोर छ ।
हुन त प्रत्येक प्रदेशमा ठूला औद्योगिक क्षेत्र स्थापना गर्ने तथा प्रत्येक पालिकामा स्थानीय स्रोतसाधनमा आधारित औद्योगिक ग्राम स्थापना गर्ने योजनासम्म बनाइयो । जो कार्यान्वयनको अवस्थामा छैनन् । भएका औद्योगिक क्षेत्रमा राष्ट्रलाई दह्रोसँग थाम्ने विशेष उद्योग नै छैनन् र अन्य उद्योग पनि पूण क्षमतामा चल्न सकेका छैनन् । अझ अहिलेका उद्योगीहरु व्यापारमा रमाउँदा त्यसको सम्भावना पनि मर्दै गएको छ । यो अवस्थामा सुधार गर्न यस्ता छलफलले काम गर्न कठिन छ । अर्को, यी कुरामा रणनीति तथा योजना बनाउँदै गर्दा छिमेकी राष्ट्रको अवस्था र प्रभावलाई पनि पूर्ण रुपमा ख्याल गरेर अघि बढ्न सक्नुपर्छ । यी सबै अवस्थामा योजना बनाएर अर्थतन्त्रको गति निर्धारण गर्न शासक, प्रशासकमा बृहत् सोच र त्यागको आवश्यकता पर्छ । त्यो अहिले छ जस्तो लाग्दैन ।
अब आउँछ अर्थतन्त्रको अल्पकालीन सुधारका कुरा । अल्पकालीन रुपमा अर्थतन्त्र सुधार गर्न पनि बहस, विश्लेषण र सुझाव सुनेर मात्रै हुँदैन । सबैभन्दा पहिले सरकार सञ्चालकहरु भित्रैबाट तयार हुन सक्नुपर्छ । सबैभन्दा पहिलो कुरा इमान्दारिता हुनुपर्यो, अर्को, सल्लाह, सुझावलाई कार्यान्वयन गर्ने हिम्मत हुनु अति आवश्यक छ । त्यस्तै कर्मचारीतन्त्रमा पनि यी कुरा हुनुपर्छ । निजी क्षेत्रका उद्योगी व्यापारीहरुले सबैभन्दा पहिले बैंकहरुले दिने ऋणको महँगो ब्याजमा तत्काल सुधार गरेर एकल विन्दुमा झार्नुपर्छ भनिरहेका छन् । उनीहरुको मुख्य सुझाव त्यही हुनेछ । अर्को, आयातमा लाग्दै आएको भन्सार दरमा सुधार माग्लान् ।
निर्यातमा सहुलियत तथा प्रोत्साहन माग्लान् । बैंकर्सहरुले अनिश्चितता र सञ्चालन खर्चको बढोत्तरीका कारण ब्याज घटाउन नसकिने कुरा गर्लान् । खराब कर्जाका कुरा उठाउलान् । यी अवस्थामा समाधानको बीचको विन्दु पनि निकाल्न सकिएला । सरकार सञ्चालक, सरकारी अधिकारीहरु गलत व्यवहार त्याग गर्न सक्ने र इमान्दार हुनुपर्ने कुरा तथा उद्योगी व्यापारीहरु पनि त्याग र इमान्दार हुनुपर्छ भन्ने कुरा अवश्य उठ्ने छैन । यी दुईटा कुरा सरकार तथा निजी क्षेत्रले आत्मसात नगरे अहिले चलिरहेको खुला अर्थतन्त्रको अराजकता हट्ने छैन । अर्थतन्त्रमा अहिलेको अवस्था आउनुमा यही अराजकता नै हो ।
अहिले नेपालको अर्थतन्त्र आत्मनिर्भरको बाटोबाट टाढा जाँदै छ । नेपालमा उत्पादन भएका वस्तुभन्दा विदेशबाट आयात भएका वस्तुमा बढी नाफा हुने भएकाले व्यापारीहरुले बाह्य वस्तु नै आयात गर्न रुचाउँछन् । नेपालमा उपभोग्य वस्तुहरु उत्पादन भए पनि तिनै वस्तु ठूलो मात्रामा आयात गरिँदा नेपाली उत्पादनको लागत पनि नउठ्ने अवस्था आउँछ । अर्को, छिमेकी राष्ट्रमा तस्करी गर्न सकिने अवस्थामा नेपालाई अवश्यकतै नपर्ने वस्तुहरु अति आवश्यकीय वस्तु भन्दै आयात गरेको पनि देखिएको छ ।
सरकारी संयन्त्रले आफूले बजेटमा तय गरेका योजना पनि कार्यान्वयन गर्न चाहँदैन । यी व्यापारका कुरा भए, अब विकास योजनाको कुरा गरौं । ठूला आयोजना तब मात्रै कार्यान्वयनमा जान्छन् जब राज्यसंयन्त्रसँगै कमिसनको भागबण्डा मिल्छ । योजना समयमा नसकिनु पनि त्यही कमिसन, त्यही दलाली अघि लागेर हो । यसले योजनाको लागत ठूलो मात्रामा बढाउने गरेको छ । यसमा सरकार सञ्चालक र कर्मचारी संयन्त्रको ठूलो भूमिका देखिन्छ । महालेखा परीक्षकको रिपोर्टले यही कुरा देखाइरहेकै छ । अझ अर्को, योजना ठेक्का लिएर समयमा पूरा गरेका ठेकेदारहरुलाई तोकिएको रकम भुक्तानी पनि समयमा गरिँदैन । यी सबै अवस्थाले आन्तरिक अर्थतन्त्र सक्रिय हुन दिएको छैन । यस्ता डरलाग्दा कुरा अर्थतन्त्रबाट हटाए अहिले अवस्थाबाट सुधार हुन थाल्छ । सरकारले यस्ता अनेकौं कुराहरुलाई गम्भीर रुपमा नलिएर अर्थतन्त्रका समस्या खोज्दा के फेला पर्ला ?
नेपालको अर्थतन्त्रको कुरा गर्दा नेपालको बौद्धिक जगत पनि कमजोर सावित भएको छ । योजना आयोग, अर्थमन्त्रालय, वाणिज्य मन्त्रालय तथा राष्ट्र बैंकमा प्रमाणपत्रका हिसावले उच्च व्यक्ति लगे पनि अर्थतन्त्रका समस्या पहिल्याउने कुरामा उनीहरु सधैं असफल देखिएका छन् । भारत र चीनको अर्थतन्त्रको रापमा नेपालको अर्थतन्त्र कसरी अघि बढाउँदा गतिशील र प्रगतिउन्मुख बनाउन सकिन्छ भन्ने कुरामा उनीहरुको दिमागले भेट्टाउन सकेको खेखिन्न ।
अर्को, विश्वविद्यालयका प्रध्यापकहरुले पनि यो समस्यालाई औंल्याउन सकेको देखिन्न । यिनीहरुले समाचारमा आइरहेका तथ्यांकको आधारमा यस्तो छ, उस्तो छ भनिरहेका हुन्छन् । अर्थतन्त्रका मूल समस्या भने कसैले पहिल्याएर अगाडि राख्न सकेको देखिन्न । निजी क्षेत्रले समग्र अर्थतन्त्रका समस्या अगाडि नराखी आफ्ना व्यावसायका समस्या मात्रै राखेको देखिन्छ । क्रोनिक अर्थतन्त्रबाट पीडित नै भए पनि कमाउने बाटा पनि अनेकौं हुँदा त्यसलाई आंैल्याउन चाहँदैनन् । यस्तो अवस्थामा सर्वदलीय तथा सर्वपक्षीय बैठकले अर्थतन्त्रलाई कस्ता गति देला र ?
भेषराज पोखरेल
नेपालबहस डटकमका नियमित स्तम्भकार भेष राज पोखरेल वरिष्ठ पत्रकार हुन् । विगत २५ वर्षदेखि अर्थ राजनीतिक धारमा कलम चलाउँदै आएका पोखरेलले कान्तिपुर दैनिकमा २० वर्ष भन्दा बढी समय भाषा सम्पादकका रुपमा काम गरेका छन् । स्वतन्त्र लेखकका रुपमा समेत विभिन्न दैनिक पत्रपत्रिकाहरुमा लेखहरू लेख्दै आएका पोखरेलले दुई वर्ष नेपाल तारा डटकमको सम्पादकको रुपमा काम गरेको अनुभव पनि छ ।
लेखकबाट थपआखिर कहाँबाट भयो ब्रह्माण्डको उत्पत्ति ? जहाँ केही पनि छैन, त्यहीँ सबथोक छ
बैशाख ३१, २०८१ सोमबार
गठबन्धनका नेताहरु सरकार जागोउन जे पनि गर्न तयार हुने, जनता रोइरहने ?
बैशाख २९, २०८१ शनिबार
प्रचण्डको यूटर्नले जोगिएको रवि लामिछानेको पद
बैशाख २७, २०८१ बिहिबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उदघाटन गरेको ९ दिन नपुग्दै हावाले भत्कायो इलाका प्रहरी कार्यालय जयनगरको पर्खाल
बैशाख ३१, २०८१ सोमबार
मधेशमा नयाँ सरकार गठनका लागि आज ४ दलले एमालेको नेतृत्वमा दाबी पेश गर्दै
बैशाख ३१, २०८१ सोमबार
सुँगुरको मिर्गौला प्रत्यारोपण गरिएका रिचर्डको निधन
बैशाख ३१, २०८१ सोमबार
राजनीति देश र जनताका लागि हुनुपर्छ : उपसभापति गुरुङ
बैशाख ३१, २०८१ सोमबार
ठूला सरकारी अस्पतालमा जनशक्ति थप्ने नवनियुक्त स्वास्थ्यमन्त्री यादवको निर्णय
बैशाख ३१, २०८१ सोमबार
नेपालको वित्तीय सङ्घीयता कार्यान्वयनमा मध्यम प्रगति, प्रदेश र स्थानीय तह घाटामा
बैशाख ३१, २०८१ सोमबार
धनगढी र दार्चुलामा करेन्ट लागेर दुई जना घाइते
बैशाख ३१, २०८१ सोमबार
पोखराबाट खैरो हिरोइनसहित दुई जना पक्राउ
बैशाख ३१, २०८१ सोमबार
कर्णालीमा जबरजस्ती करणीका मुद्दा धेरै
बैशाख ३१, २०८१ सोमबार