कांग्रेस नेता कोइरालासँग मोरङका किसानले राखे गुनासो
नेपालबहस संवाददाता
मंसिर ५, २०८० मंगलबार १०:२९:६
५ मंसिर, विराटनगर । नेपाली कांग्रेसका बरिष्ठ नेता डा. शेखर कोइरालासँग मोरङ जिल्लाका किसानहरुले कोइराला निवास बिराटगरमा भेटघाट गरेका छन् । लामो समयसम्म अधिवेशन हुन नसकेका कारण मृतप्राय बनेको नेपाल किसान महासंघमा गणेशचन्द्र तिम्सिनाको अध्यक्षतामा नयाँ नेतृत्व आएसँगै अहिले फेरि चलायमान बन्न थालेको छ ।
भर्खरै मात्रै मनोनीत भएका नेपाल किसान महासंघका मोरङ जिल्ला अध्यक्ष वसन्त हुमागाँईको नेतृत्वमा गएको टोलीले नेपाली कांग्रेसका बरिष्ठ नेता डा. शेखर कोईरालासँग भेटी किसानहरुका साझा समस्याहरु अवगत गराएका थिए ।
नेपाल किसान महासंघ मोरङका अध्यक्ष बशन्त हुमागाँईले नेपालबहस डटकमलाई दिएको जानकारी अनुसार नेता कोइरालालाई मोरङ जिल्लामा नेपाल किसान महासंघले हालसम्म भए गरेका कार्य प्रगति र संगठन निर्माणका बिषयमा जानकारी गराउनुका साथै संगठन बिस्तारका क्रममा भोगेका कठिनाई र अप्ठ्याराहरु जानकारी गराउँदै नेपाली कांग्रेस मातृ पार्टीवाट पाउनु पर्ने जति सहयोग पाउन नसकेको बिषयमा ध्यानाकर्षण समेत गराएको बताएका छन् ।
कृषि उत्पादनको कमीसँगै देशका कृषि उत्पादनसँग सम्बन्धित उद्योगहरु बन्द भएको तर्फ ध्यानकर्षण गराउँदै कृषिप्रधान मुलुकमा किसानलाई दलको भातृसंस्थाका रुपमा भन्दा पनि देश निर्माणको आधारशिलाका रुपमा हेरिनु पर्ने बताउँदै मोरङ जिल्लाका किसान नेताहरुले बीपीले समेत पहिलो प्राथमिकतामा राखेका किसानलाई बर्तमानका दलहरुले उपेक्षा गरेको प्रति दुखेसो ब्यक्त गरेका थिए ।
किसान अगुवाहरुसँगको भेटमा कांग्रेस बरिष्ठ नेता डा. शेखर कोइरालाले आफू किसानको नेता भएको र किसानकै साथमा रहन रुचाएको बताएका थिए । बीपीको किसानहरुसँगको सामिप्यता र एटेजमेन्टबारे आफू जानकार र त्यसप्रति चनाखो भएको भन्दै कृषिको आधुनिकिकरण र ब्यवसायीकरणमा जोड दिनुपर्ने बताउँदै कांग्रेस बरिष्ठ नेता डा. शेखर कोइरालाले यसका लागि आफू किसानका पक्षमा सधैं उभिने बताएका थिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउदयपुरको रौतामा आगलागी हुँदा ५० लाख बराबरको क्षति
बैशाख १४, २०८१ शुक्रबार
आज प्रचार प्रसारको अन्तिम दिन, इलाममा कांग्रेसको ४२ वटै वडामा घरदैलो
बैशाख १२, २०८१ बुधबार
बझाङको मतगणना १ बजेदेखि जिल्ला अदालत चैनपुरमा शुरु हुने
बैशाख १६, २०८१ आइतबार
इलाम-२ मा मतगणनाको तयारी, सर्वदलीय बैठक बस्दै
बैशाख १६, २०८१ आइतबार
सिंहदरबार प्रवेशका लागि आजदेखि इलेक्ट्रोनिक गेटपास पाइने
बैशाख १७, २०८१ सोमबार
इलाम अपडेट : १६ सय २३ मतले एमाले अगाडि
बैशाख १७, २०८१ सोमबार
जुगल गाउँपालिका-७ का वडाध्यक्ष पक्राउ
बैशाख १६, २०८१ आइतबार
लगानी सम्मेलन : पहिलो दिन १४ सयभन्दा बढी सहभागी, दुई सम्झौता सम्पन्न
बैशाख १६, २०८१ आइतबार
बझाङमा एमालेका भण्डारी लाई ६७७ मतको अग्रता (अपडेट)
बैशाख १६, २०८१ आइतबार
रिग्मो गाउँ
बैशाख १६, २०८१ आइतबार