२० वर्षीया मिन्कुदेवीले एकै पटक जन्माइन ३ सन्तान

२५ मंसिर, वीरगंज । वीरगन्जमा २० वर्षकी एक महिलाले एकै पटक ३ सन्तानको जन्म दिएकी छिन् । बाराको कलैया उपमहानगरपालिका वडा नं. १६ मझौलियाकी मिन्कुदेवी रामले आइतबार एकै पटक तीन सन्तानको जन्म दिएकी हुन् । 

प्रशव पीडाले च्यापेर वीरगंजको श्रीराम अस्पतालमा भर्ना भएकी मिन्कुदेवीको शल्यक्रिया मार्फत तीन सन्तान निकालिएको थियो । स्त्री रोग विशेषज्ञ डा.दिप्ती यादबले मिन्कुदेवीको शल्यक्रिययामार्फत सफल रुपमा प्रसूती गराएकी हुन् । 

शल्यक्रिया मार्फत जन्मेका तीनै जना शिशु र आमाको स्वास्थ्य अवस्था सामान्य रहेको स्त्री रोग विशेषज्ञ डा.यादबले जानकारी दिइन् । आइतबार जन्मेका तीन सन्तानहरुमा २ जना छोरा र १ छोरी रहेको पनि डा. यादबले जानकारी दिइन् । आमा सुरक्षा कार्यक्रम अन्र्तगत मिन्कुको निशुल्क शल्यक्रिया गरिएको हो ।