भुकम्प प्रभावितका लागि सशस्त्रका १६ अस्थायी टहरा

८ पुस, काठमाडाैं । सशस्त्र प्रहरी बल नेपालले पश्चिम रुकुमका भुकम्प प्रभावितका लागि हाल सम्म १६ वटा अस्थायी टहरा निर्माण गरेको छ । जस अन्तर्गत चौरजहारी नगरपालिकामा ९ र त्रिवेणी गाउंपालिकामा ७ वटा निर्माण गरिएका छन् ।

बिशेष गरि एकल महिला , अपांगता भएका , बृद्ध अबस्थाका , बिरामी , विपन्न र सुत्केरीको बर्ग विभाजन गरि उनिहरु लक्षित अस्थायी आवास निर्माण गरिएको हो । सो अनुसार एकल महिलाको लागि ५, अपांगता भएकाको ४, बृद्ध अबस्थाको ३ , बिरामीको ३ र विपन्न तथा सुत्केरीको  लागि १÷१ वटा अस्थायी आवास निर्माण सम्पन्न भएका सशस्त्र प्रहरी बलका  सह प्रवक्ता  तथा डीएसपी शैलेन्द्र थापाले जानकारी दिए  ।

अस्थायी आवास निर्माणका लागि गत मंसिर २८ गते बाट सशस्त्र प्रहरी बलको फौज चौरजहारी नगरपालिका र त्रिबेणि गाउंपालिकामा अस्थायी रुपमा बस्ने गरि तैनाथ गरिएको छ । यसका साथै जिल्लाको आठबिसकोट नगरपालिका र सानिभेरी गाउँपालिकामा अस्थायी आवास निर्माणका लागि छिटै फौज परिचालन गरिने छ ।

यसैगरी मुसिकोट नगरपालिकामा समेत स्थानीय जनप्रतिनिधि र जिल्ला बिपद् व्यवस्थापन समिती संगको आवश्यक समन्वयमा अस्थायी आवास निर्माणमा सहयोग आवश्यक पर्ने भुकम्प पिडितको पहिचान गरि फौज परिचालन गर्ने योजना रहेको छ ।

यता भुकम्प प्रभावित जिल्ला जाजरकोटमा पनि आश्रीत गुल्म जाजरकोटले अस्थायी पाल जडान गर्ने , भत्किएका विद्यालय तथा स्थानियको घरको भग्नाबशेष हटाउने तथा चर्किएको घरहरू भत्काउने कार्यलाई तिब्रता दिएको समेत सह प्रवक्ता डीएसपी थापाले बताए ।

जस अन्तर्गत डिजास्टर रिलिफ सिस्टम १० सहित ८५ वटा पाल जडान गरिएका छन् । यस्तै भेरी नगरपालिकामा १ सय , नलगाड नगरपालिकामा १ सय १८ ,र कुशे गाउँपालिकामा २५ स्थानका भग्नाबशेष हटाइएका छन् । चर्किएका ८ वटा घर समेत भत्काइएको छ ।