९ अर्बका गाडी आए, १ खर्ब ११ अर्बको तेल
नेपालबहस संवाददाता
पुस ८, २०८० आइतबार २०:१५:०
८ मंसिर, काठमाडौं । चालु वर्षको साउनदेखि मंसिरसम्म ६ खर्ब ४२ अर्ब २० करोड रुपैयाँ बराबरको वस्तु आयात गरिएको छ । सोही अविधमा ६३ अर्ब २० करोड ७४ लाख वस्तु निर्यात भएको भन्सार विभागले जनाएको छ ।
गत आर्थिक वर्षको पाँच महिनाको तुलनामा चालु आर्थिक वर्षको पाँच महिनामा आयात र निर्यात दुवै घटेको हो । गत आर्थिक वर्ष साउन–मंसिरसम्म ६ खर्ब ६४ अर्ब ७४ करोड ६४ लाख रुपैयाँको वस्तु आयात गरिएको थियो भने सोही अवधिमा ६७ अर्ब ३० करोड ४५ लाखको वस्तु निर्यात गरिएको थियो ।
विभागका अनुसार सबैभन्दा बढी ५३ अर्ब ९० करोड ३२ लाख रुपैयाँको डिजेल आयात गरिएको छ । पेट्रोल र ग्यास क्रमशः २८ अर्ब ५५ करोड ८६ लाख रुपैयाँ र २० अर्ब ६५ करोड ५८ लाख रुपैयाँ बराबरको आयात गरिएको हो । मुलुकबाट सबैभन्दा बढी गलैंचा र अलैंची निर्यात भएको छ । विभागका अनुसार साउनदेखि मंसिरसम्म ४ अर्ब ५३ करोड रुपैयाँ बराबरको गलैंचा र ३ अर्ब ९ करोड रुपैंयाँ बराबरको अलैंची निर्यात भएको छ ।
चालु आर्थिक वर्षको पहिलो पाँच महिना अर्थात साउनदेखि मंसिरसम्ममा पेट्रोलियम पदार्थको आयातमा १ खर्ब ११ अर्ब ७७ करोड ९९ लाख ८१ हजार रुपैयाँ बाहिरिएको छ । चालु आर्थिक वषको पहिलो पाँच महिनाको अवधिमा पेट्रोलियम पदार्थ (डिजेल, पेट्रोल, एलपी ग्यास, हवाई इन्धन) आयातमा उक्त रकम बाहिरिएको हो । जसवापत सरकारलाई ४१ अर्ब ४२ करोड ६० लाख २९ हजार रुपैयाँ राजस्व संकलन भएकोे छ ।
भन्सार विभागका अनुसार पाँच महिनामा ५३ अर्ब ९० करोड ३२ लाख ९२ हजार रुपैयाँ बराबरको ४ लाख ८९ हजार ९३६ किलो लिटर डिजेल आयात भएको छ । डिजेल आयातमा सरकारलाई २० अर्ब १९ करोड ३० लाख ९९ हजार रुपैयाँ राजस्व प्राप्त भएको छ । नेपालमा सबैभन्दा धेरै आयात हुने वस्तुको सूचीको शिर्ष स्थानमा डिजेल पर्ने गरेको छ ।
यस्तै, चालु आवको पाँच महिनामा २८ अर्ब ५५ करोड ८६ लाख ८२ हजार रुपैयाँ बराबरको २ लाख ८१ हजार ९७० किलो लिटर पेट्रोल आयात भएको छ । जसवापत सरकारलाई १६ अर्ब २० करोड ३२ लाख ७९ हजार रुपैयाँ राजस्व प्राप्त भएको छ । यसैगरी, हवाई इन्धनमा ८ अर्ब ६६ करोड २१ लाख ७५ हजार रुपैयाँ बाहिरिएको छ । गत पाँच महिनाको अवधिमा ७८ हजार ११२ किलो लिटर हवाई इन्धन आएको छ । जसवापत सरकारलाई १ अर्ब १७ करोड ६४ लाख १५ हजार राजस्व आएको छ ।
यता, एलपी ग्यासमा २० अर्ब ६५ करोड ५८ लाख ३० हजार रुपैयाँ बाहिरीएको विभागको तथ्यांकले देखाएको छ । पाँच महिनामा २१ करोड ४२ लाख ९१ हजार ६ किलो एलपी ग्यास आयात भएको हो । जसवापत सरकारलाई ३ अर्ब ८५ करोड ३२ लाख ३६ हजार रुपैयाँ राजश्व सरकालाई बुझाइएको छ । विभागका अनुसार चालु आवको पाँच महिनामा ६३ अर्ब २० करोड ७४ लाख रुपैयाँको वस्तु तथा सेवा निर्यात भएको छ भने ६ खर्ब ४२ अर्ब २० करोड रुपैयाँ बराबरको वस्तु तथा सेवा आयात भएको छ ।
यस्तै पाँच महिनामा ९ अर्ब बराबरको ३६०० भन्दा बढी विद्युतीय गाडी आयात, मंसिरमा ९०० युनिटका गाडी आयात भएको छ । ५ महिनामा ९ अर्ब बराबरको ३ हजार ६ सय ८६ युनिट विद्युतीय गाडी आयात भएका हुन् । विद्युतीय गाडीको आयात बढेसँगै यसबाट सरकारले पाउने राजस्व पनि बढेको छ । ४ अर्ब २८ करोड रुपैयाँ भन्सार शुल्क संकलन भएको छ । चीनबाट धेरै बीवाइडी, नेटा भी र केवाइसी भ्यान आयात भएका छन् ।
यसमा चीनबाट मात्र २ हजार २ सय ९७ युनिट इभी आयात भएका छन् । भारतबाट १ हजार ३ सय ३८ युनिट इभी आयात भएको विभागले जनाएको छ । भारतबाट सबैभन्दा धेरै टाटा र सिट्रोन इभी आयात भएका छन् । यसैगरी कोरियाबाट २८ युनिट, जर्मनीबाट ३, अमेरिकाबाट ३ र इन्डोनेसियाबाट १७ युनिट इभी आयात भएका छन् । यसमा पनि सबैभन्दा धेरै ५१ किलोवाटदेखि १०० किलोवाट क्षमताको मोटर पावर भएका गाडी धेरै आयात भएका छन् । यसमा २ हजार २८ युनिट आयात भएका छन् ।
यस्तै ५० किलोवाटसम्म क्षमताका मोटर पावर भएका १ हजार ५ सय ९५ युनिट गाडी आयात भएका छन् । अन्य १०० किलोवाट क्षमताभन्दा माथिका जम्मा ६३ युनिट मात्र आयात भएका छन् । सरकारले करका दरमा केही हेरफेर गरे पनि ठूलो मोटर पावर भएका इभीहरु अपेक्षाअनुसार धेरै आयात हुन सकेका छैनन् ।
इन्धन इन्जिन सवारी साधन ५ महिनामा ३ हजार ७ सय ९७ युनिट आयात भएका छन्। यसमा ४ अर्ब ९६ करोड २९ लाख रुपैयाँ बराबरको आयात भएको विभागले जनाएको छ। यसबाट सरकारले ८ अर्ब ६२ करोड २९ लाख रुपैयाँ भन्सार शुल्क संकलन गरेको छ। यसैगरि थ्री ह्वीलर्स इभी रिक्सा पाँच महिनाको अवधिमा ५७ करोड ९३ लाख बराबरको ५ हजार ६ सय १७ युनिट आयात भएका छन्। यसबाट सरकारले १९ करोड ९४ लाख भन्सार शुल्क संकलन गरेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपअर्थमन्त्रीले कसरी बनाउँदैछन आगामी बजेट ?
बैशाख २०, २०८१ बिहिबार
यो वर्ष आर्थिक वृद्धिदर ३.८७ प्रतिशत, अर्थतन्त्रको आकार ५७ खर्ब
बैशाख १८, २०८१ मंगलबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
वेस्ट इन्डिज ए सँग नेपालको लगातार तेस्रो हार
बैशाख २०, २०८१ बिहिबार
बस खोलामा खस्दा २० को मृत्यु, २१ जना घाइते
बैशाख २१, २०८१ शुक्रबार
अधिकांशलाई प्रशासकीय अधिकृतको जिम्मेवारी दिएर ४८ जना उपसचिवहरु सरुवा
बैशाख २०, २०८१ बिहिबार
मुग्लिन–पोखरा सडकको पूर्वी खण्डमा १३ पुल निर्माण
बैशाख २१, २०८१ शुक्रबार
गाउँमा बालबालिकाको बसोबास नहुँदा ज्येष्ठ नागरिक चिन्तामा
बैशाख २१, २०८१ शुक्रबार
जापान पठाइदिने भन्दै २१९ जनाबाट २ करोड ६८ लाख ठगी गर्ने दुई जना पक्राउ
बैशाख २१, २०८१ शुक्रबार
पार्टी एकता गर्ने निहुँमा रेशम र रञ्जिताले करोडौँ रकम उठाएर खाए: महतो
बैशाख २१, २०८१ शुक्रबार
विभिन्न स्थानबाट अवैध लागूऔषधसहित १२ जना पक्राउ
बैशाख २१, २०८१ शुक्रबार
कान्ति राजपथमा सवारी आवागमन पूर्ण रुपमा बन्द
बैशाख २१, २०८१ शुक्रबार