आइतबारको केन्द्रीय समिति बैठकपछि राष्ट्रिय सभाका उम्मेदवारहरुको नाम टुंगो लगाउने देउवाको तयारी
नेपालबहस संवाददाता
पुस २१, २०८० शनिबार १६:२९:५९
२१ पुस, काठमाडौं । नेपाली कांग्रेसका सभापति शेरबहादुर देउवाले पार्टीका तर्फबाट राष्ट्रिय सभा सदस्य उम्मेदवारको टुंगो केन्द्रीय समितिको बैठकपछि लगाउने भएका छन् । सत्ता गठबन्धनमा आइतबार बिहानसम्ममा सीटको भागबण्डा गरिसक्ने र दिउँसो बस्ने केन्द्रीय समितिको बैठकपछि यसबारे पदाधिकारीमा छुट्टै छलफल गरेर नाम टुंगो लगाउने देउवाको तयारी छ ।
अहिलेसम्म प्रदेशबाट आएका नामहरुमा कलस्टर मिलाउने काम भइरहेको छ । देउवा निकट एक नेताले नेपालबहसलाई दिएको जानकारी अनुसार आइतबार साँझसम्ममा राष्ट्रिय सभा सदस्यका लागि कांग्रेसबाट को को उम्मेदवार हुने भन्ने टुंगो लागिसक्नेछ । प्रदेशबाट सिफारिस भएर आएकामध्ये बढीमा ११ जनाले अवसर पाउनेछन् । देउवाले राष्ट्रिय सभाका विषयमा इतर समूहका नेताहरूसँग पनि छलफल गरेका छैनन् ।
इतर समूहका नेता डा शेखर कोइराला र सभापति देउवाबीच अनौपचारिक रुपमा मात्रै कुराकानी भएको छ । ति नेताका अनुसार कोइरालाले आफ्नो समूहबाट कसलाई उम्मेदवार बनाउने भन्ने कुरा देउवासमक्ष राखिसकेका छन् । कोइरालाले पनि आफ्नो समूहमा राष्ट्रिय सभामा नाम पठाउने नेताहरूको बारेमा औपचारिक छलफल गरेका छैनन् । गठबन्धनमा सहमति भएर कांग्रेसले पाउने सीट टुंगो लागेपछि आफ्नो समूहमा छलफल गर्ने कोइरालाको तयारी छ । तर, यसको समय भने सोमबार बिहानसम्म मात्रै छ ।
निर्वाचन आयोगले पुस २३ मा उम्मेदवारको मनोनयन राखेको छ । आगामी माघ ११ गते हुने राष्ट्रिय सभा सदस्यको निर्वाचनका लागि यही पुस २३ गते उम्मेदवारको मनोनयन पत्र दर्ताका लागि निर्वाचन आयोगले आवश्यक तयारी गरेको छ । आयोगबाट स्वीकृत निर्वाचन कार्यतालिका बमोजिम मनोनयन पत्र दर्ताका लागि उम्मेदवारले संलग्न गराउनुपर्ने कागजातबारे आयोगले स्पष्ट गरिसकेको छ । तर, पार्टीबाट कसलाई उम्मेदवार बनाउने भन्ने विषयमा न देउवाले कोइरालासँग औपचारिक छलफल गरेका छन न कोइरालाले नै आफ्ना समूहसँग औपचारिक छलफल गरेका छन् ।
सत्ता गठबन्धनमा सहमति गर्ने भन्दै देउवाले आजका लागि बोलाइएको केन्द्रीय समितिको बैठक भोलि आइतबारका लागि सारेका थिए । तर, आज पनि गठबन्धनमा सहमति हुने संकेत देखिएको छैन । गठबन्धनले एमालेसँग सहकार्य नगर्ने निर्णय भने गरिसकेको छ । गठबन्धनमा सहमति खोज्न स्थगित भएको कांग्रेसको बैठक भोलि दिउँसो १ बजे पार्टी केन्द्रीय कार्यालय सानेपामा बस्नेछ । केन्द्रीय समितिको बैठकमा पनि राष्ट्रिय सभा सदस्यको निर्वाचन र पछिल्लो राजनीतिक घटनाक्रमका बारेमा छलफल हुनेछ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपप्रधानमन्त्रीले जेठ ६ गते प्रतिनिधि सभामा सांसदसँग प्रश्नोत्तर गर्ने
जेठ २, २०८१ बुधबार
सहकारी ठगी र गिरीबन्धु चिया बगानको भ्रष्टाचारविरुद्ध नेविसंघको प्रदर्शन
जेठ २, २०८१ बुधबार
प्रधानमन्त्री र सभामुखबीच भेटवार्ता, संसदको अवरोध हटाउने बारे छलफल
जेठ २, २०८१ बुधबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
दैनिक सूर्य नमस्कार गर्दा यी १० समस्याबाट छुटकारा मिल्छ
जेठ १, २०८१ मंगलबार
क्रिकेटर सन्दीप लामिछानेको मुद्दा हेर्दाहेर्दैमा
जेठ १, २०८१ मंगलबार
क्रुज जहाज मार्फत चीन भित्रिने पर्यटकलाई भिसा मुक्त प्रवेश अनुमति
जेठ २, २०८१ बुधबार
भान्सामा राखिएका यी चिजले घरमा गरिबी ल्याउछ आजै हटाउनुहोस्
जेठ २, २०८१ बुधबार
बिहिबारदेखि काठमाडौंका यी क्षेत्रमा ६ घण्टा विद्युत अवरुद्ध हुने
जेठ २, २०८१ बुधबार
सिनेमाघर एपमा रिलिज भयो ‘चपली हाइट ३’, विश्वभरबाट हेर्न सकिने
जेठ २, २०८१ बुधबार
प्रधानमन्त्रीले जेठ ६ गते प्रतिनिधि सभामा सांसदसँग प्रश्नोत्तर गर्ने
जेठ २, २०८१ बुधबार
चिनियाँ विद्युतीय कारमा अमेरिकाले चार गुणा कर बढायो
जेठ २, २०८१ बुधबार