जिल्ला अदालत रौतहटमा दुई जना मात्र न्यायाधीश, आलमविरुद्धको मुद्दाको कारवाही अघि बढे्न

२९ पुस, काठमाडौं । जिल्ला अदालत रौतहटले न्यायाधीश अभाव देखाउँदै मोहम्मद अफताब आलमविरुद्धको मुद्दाको पेसी नतोकिएको बताएको छ ।  जिल्ला अदालतका श्रेष्तेदार उद्धव ढोडारीले न्यायाधीशहरु विदामा भएकाले पेसी नतोकिएको बताए । उनका अनुसार सात न्यायाधीहरुमध्ये आइतबार दुई जना न्यायाधीशहरु मात्र अदालतमा उपस्थित छन् ।

सरकारी वकिल र आलमका वकिलबाट बहस नोट प्राप्त भइसकेकाले रौतहट जिल्ला अदालतले मुद्दामा अन्तिम सुनुवाइका लागि आज पेसी तोकेको थियो । तर धेरैजसो न्यायाधीशहरु विदामा भएकाले पेसीमा चढेन । गत कात्तिक तेस्रो साता अदालतले मुद्दाको गाम्भीर्य र जटिलता विचार गरी सरकारी वकिल र आलमका वकिललाई १५ दिनभित्र बहस नोट पेश गर्न आदेश दिएको थियो ।