कपडा व्यवसायीकाे घरमा छापा, दुई करोड नगदसहित व्यापारी अग्रवाल पक्राउ

४ माघ, काठमाडौं । अवैध विदेशी मुद्रा, हुण्डी र सुन कारोबारका संलग्न रहेको आरोपमा कपडा व्यापारी नरेश अग्रवाल पक्राउ परेका छन । राजस्व अनुसन्धान विभागले उनलाई बिहिबार राती पक्राउ गरेको हो ।  

विभागको टोलीले बिहीबार राति क्षेत्रपाटी स्थित उनको घरमा छापा मारी २ करोड नगदसहित पक्राउ गरेको जनाएको छ ।

अग्रवाल सुन, हुन्डी र क्रिप्टोकरेन्सी कारोबारमा संलग्न भएको विभागले जनाएको छ । अग्रवालको घरबाट २ हजार अमेरिकी डलर पनि बरामद भएको प्रहरीले जनाएको छ ।