राष्ट्रियसभा निर्वाचनले कांग्रेसको ‘समुदायमा कांग्रेस’ अभियान फेरी प्रभावित, अब माघ १२ देखि गरिने
नेपालबहस संवाददाता
माघ ६, २०८० शनिबार ११:११:६
६ माघ काठमाडौं । नेपाली कांग्रेसको माघ ७ गतेदेखि सुरु गर्ने भनेको ‘समुदायमा कांग्रेस’ अभियानको कार्यतालिका फेरी प्रभावित भएको छ । राष्ट्रिय सभा निर्वाचनका कारण माघ ७ देखि गर्ने भनिएको अभियान कार्यक्रम अब १२ गतेबाट मात्र सुरु हुने भएको छ । कांग्रेसको सूचना तथा प्रचार विभागका प्रमुख मीन विश्वकर्माका अनुसार माघ १६ गतेभित्र केन्द्रीय नेताहरू वटा तहमा पुगिसक्ने गरी कार्यक्रम बनाइएको छ । ।
यसअघि माघ ७ गते देखि प्रतिनिधि खटाउने भन्दै कांग्रेसले जिल्ला खटाउने नेता तथा केन्द्रीय सदस्यहरूलाई पार्टी कार्यालय सानेपामा प्रशिक्षण दिएको थियो । जिल्लामा गएर कसरी कार्यक्रम चलाउने र समन्वय गर्ने भन्ने बारे विषयगत रुपमा नेताहरूलाई महामन्त्रीद्वयले अभिमुखीकरण गराएका थिए ।
प्रतिनिधि खटिने नेताहरूले जिल्लामा गएर गर्नुपर्ने भूमिकाका विषयमा दुई महामन्त्री गगन थापा र विश्वप्रकाश शर्माले प्रतिनिधिहरूलाई प्रशिक्षित गरेका थिए । उनीहरूले माघ ११ गते राष्ट्रिय सभाको निर्वाचन भएकाले निर्वाचन प्रचारका क्रममा जिल्ला पुगेका नेताहरूलाई १२ गतेदेखि नै अभियानका कार्यक्रम सुरु गर्न निर्देशन दिएको विभागका प्रमुख विश्वकर्माले जानकारी दिए ।
अभिमुखीकरण कार्यक्रम केन्द्रीय कार्यालय सानेपामा बुधबार दिइएको थियो । ७७ जिल्लामा केन्द्रीय नेताहरू खटाएर कांग्रेसले ‘समुदायमा कांग्रेस’ अभियान देशभर गर्दैछ । जिल्ला जाने नेताहरूले आन्तरिक संगठन र समुदायमा पुगेर पार्टीको अभियान चलाउने छन् । पार्टीभित्रको संगठन सुदृढीकरण साथै नागरिक तहमा पुगेर उनीहरूको आवाज सुन्ने गरी कांग्रेसले अभियान घोषणा गरेको थियो ।
जिल्ला जाने नेताहरूले पार्टीमा देखिएको तल्लो तहको समस्या समाधान गर्ने, नागरिकसँग अन्तरक्रिया गर्ने, नागरिकका समस्या सुन्ने लगायतका जिम्मेवारी पार्टीले दिएको छ । साउनमा बसेको केन्द्रीय समितिले गरेको निर्णय अनुसार दोस्रो चरणको अभियान गर्न लागिएको हो । पार्टीले दोस्रो चरणको अभियानमा ‘समुदायमा कांग्रेस’ निर्धारण गरेको थियो । एक महिनाका लागि पूर्व घोषित अभियानको अवधि घटाएर १५ दिन बनाइएको छ ।
नेपाली कांग्रेसले पुस १६ देखि एक महिनासम्म सञ्चालन गर्ने भनेको समुदायमा कांग्रेस अभियान केन्द्रीय समितिले निर्णय गरेको भोलिपल्टै संशोधन गरेको थियो । अब उक्त अभियान माघ १२ देखि माघ २२ गतेसम्म सञ्चालन गरिने कांग्रेस प्रचार विभाग प्रमुख मीन विश्वकर्माले जानकारी दिए ।
पहिले एक महिना सञ्चालन गर्ने भनिएको अभियान १५ दिनमा झारिएको छ । माघ १२ गते सुरु गर्ने उक्त अभियानमा पार्टीका केन्द्रीय प्रतिनिधिहरु खटिनेछन् । नेपाल बहससँगको कुराकानीमा विश्वकर्माले माघ १६ गते पार्टीले खटाएका सबै केन्द्रीय प्रतिनिधिहरु वडा वडामा पुगिसक्ने बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता गठबन्धनका तीन शिर्ष नेताबीच भेटवार्ता, समसामयिक विषयवस्तुमा छलफल
जेठ १८, २०८१ शुक्रबार
पर्यटन विकास आयोजनाका दुई सव इन्जिनियर घुससहित पक्राउ
जेठ १८, २०८१ शुक्रबार
यस्ता छन् मन्त्रिपरिषद् बैठकका २६ निर्णय ( हेर्नुस सुचिसहित )
जेठ १८, २०८१ शुक्रबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
झापामा हुरीबतासले करोडौँको क्षति, विद्युत् आपूर्ति बन्द
नेपालबहस संवाददाता
जेठ १६, २०८१ बुधबार
बजेट सच्याउने निर्णय गराएर करका दरमाथि खेल्दै अर्थमन्त्री, 'टाइपिङ इरर' भएको बहाना
जेठ १८, २०८१ शुक्रबार
तपाईको आजको राशीफल कस्तो छ ?
जेठ १८, २०८१ शुक्रबार
कांग्रेस मात्रै लोकतान्त्रिक पार्टी हो : नेता निधि
जेठ १७, २०८१ बिहिबार
मोटरसाइकल चोरीमा संलग्न ४ जना काठमाडौंमा पक्राउ
जेठ १८, २०८१ शुक्रबार
काठमाडौं महानगरको १५ औं नगर सभा जेठ ३२ मा
जेठ १८, २०८१ शुक्रबार
तराईमा अत्यधिक गर्मी, तातो लहरबाट बच्न अपिल
जेठ १८, २०८१ शुक्रबार
अब लाइसेन्स भएपनि बन्दुक घरबाहिर लैजान यात्रा अनुमति अनिवार्य लिनुपर्ने
जेठ १८, २०८१ शुक्रबार
सत्ता गठबन्धनका तीन शिर्ष नेताबीच भेटवार्ता, समसामयिक विषयवस्तुमा छलफल
जेठ १८, २०८१ शुक्रबार
पर्यटन विकास आयोजनाका दुई सव इन्जिनियर घुससहित पक्राउ
जेठ १८, २०८१ शुक्रबार