सुनको भाउ आज घट्यो, कतिमा हुँदैछ किनबेच ?

११ माघ, काठमाडौं । नेपाली बजारमा सुनको भाउ बिहिबार घटेको छ । नेपाल सुनचाँदी व्यवसायी महासंघका अनुसार लगातार ३ दिन स्थिर रहेको सुनको भाउ बिहीबार भने घटेको हो । आज छापावाल सुन प्रतितोला ४०० रूपैयाँले घटेर १ लाख १८ हजार रूपैयाँ कायम भएको छ । यसैगरी, तेजावी सुनको मूल्य तोलाको १ लाख १७ हजार ४५० रूपैयाँ निर्धारण भएको छ । 

यसअघि बुधबार छापावाल सुन तोलाको १ लाख १८ हजार ४०० रूपैयाँमा कारोबार भएको थियो । यसैगरी, तेजावी सुनको भाउ तोलाको १ लाख १७ हजार ८५० रूपैयाँ निर्धारण भएको थियो ।

यता, आज चाँदीको भाउ भने प्रतितोला २० रूपैयाँले बढेर १४ सय रूपैयाँ कायम भएको छ । बुधबार चाँदीको भाउ प्रतितोला १३ सय ८० रूपैयाँ कायम रहेको थियो ।