त्रिभुवन विमानस्थल प्रकरणः अध्यागमन प्रमुख गोगन हमाल कुटिएको विषयमा छानबिन समिति गठन

१२ माघ, काठमाडौं । त्रिभुवन विमानस्थलस्थित अध्यागमन कार्यालयका प्रमुख गोगन हमालमाथि विमानस्थलकै प्रहरीले हातपात गरेको विषयमा गृह मन्त्रालयले छानबिन समिति गठन गरेको छ ।

शुक्रबार दिउँसो अध्यागमन कार्यालयका कर्मचारी र प्रहरीबीच भएको हातपात घटनाका सम्बन्धमा गृह मन्त्रालयका सहसचिव थानेश्वर गौतमको संयोजकत्वमा समिति गठन गरेको हो । छानबिन समितिको सदस्यहरूमा प्रहरी नायब महानिरीक्षक राजेशनाथ बाँस्तोला र सीमा तथा अध्यागमन प्रशासन शाखाका उपसचिव कुलबहादुर जिसी रहेका छन् । 

समितिलाई तीन दिनभित्र रायसहितको प्रतिवेदन पेस गर्न गृह मन्त्रालयले कार्य देश दिएको जनाएको छ ।

अध्यागमन कर्मचारीमाथि प्रहरीले हातपात गरेको विषयमा बुझ्न खोज्दा प्रमुख माथि नै प्रहरीले हातपात गरेका थिए ।