के भान्सा कोठाभित्र पूजा गर्ने स्थान बनाउँदा राम्रो हुन्छ ‌?

२५ माघ, काठमाडौं । भनिन्छ पेट खुशी भयो भने सबै कार्य राम्रो हुन्छ, मनको खुशीको बाटो पेट भएरै जान्छ । पेटलाई खुशी राख्नको लागि खानाको महत्तवपूर्ण भूमिका हुन्छ । स्वस्थ्य खानाबाटै स्वस्थ्य सरिरको निर्माण हुन्छ ।

खाना निर्माण गर्नको लागि भान्साघरको आवस्यकता पर्दछ । तपाईको भान्साघर शुद्ध, सकारात्मक, पवित्र वा स्वच्छ छ भने भोजन पनि स्वच्छ एवं पबित्र हुन्छ । तपाईको भान्साघरमा पाकेको स्वस्थ्यवर्धक भोजनले तपाईको सरिरको साथ-साथ मनलाई पनि स्वस्थ्य राख्दछ । जव तपाईको सरिर मनको साथ-साथ स्वस्थ्य रहन्छ तव तपाईको सबै कार्य मनोनुकूल तथा उचित तरिकाले सफल हुँदै जान्छ ।

तर हामी धेरैलाई थाहा नहुन पनि सक्छ कि भन्साघरको स्वच्छता शुद्धताको अतिरिक्त कुनै यस्तो प्रभाव हुन्छ जसले जीवनलाई प्रभाव पार्दछ । त्यसलाई वास्तुको प्रभाव भन्दछन् । यदि तपाईको भान्साघरमा वास्तु मिलेको छैन भने खाना मीठो नहुने, खाना बनाउनेलाई बिभिन्न प्रकारका रोगले आक्रमण गर्ने, परिवारमा कलह उत्तपन्न हुने, अन्नको कमी जस्ता समस्याको सामना गर्नुपर्ने हुन्छ ।

भान्साघरको स्वच्छता र शुद्धता बाहेकका सूक्ष्म प्रभावले तपाईको जीवनलाई प्रभावित पार्न सक्छ । त्यसैले तपाइहरुलाई आज म त्यस्तो वास्तु उपायहरू बताउन गइरहेको छु जसले तपाईहरूको भान्साघर सूक्ष्म एवं स्थूल तरिकाले शुद्ध वा गुणवत्तापूर्ण बनाई राख्नकोलागि र भान्साघर दोषहरूबाट मुक्तगर्नको लागि प्रभावकारी हुन सक्छ ।

द्वारः भासाकोठा पस्ने ढोका दक्षिण दिशामा हुनुहुँदैन ।

स्थानः भान्साघर वा कोठा बनउदा अग्निकोण 'पूर्व तथा दक्षिणको बिचको भाग' मा बनाउँदा उत्तम हुन्छ भने यसको ढोका दक्षिण दिशामा राख्नु अशुभ मानिन्छ ।

चूलोः भान्साकोठामा चूलो राख्दा अग्निकोणमा राखि पूर्व फर्केर खाना बनाउँदा उत्तम हुन्छ ।

बिद्युतीय उपकरणः खाद्य सामग्री निर्माण गर्ने बिद्युतीय उपकरण जस्तै इन्डक्सन, माइक्रोवेव, राइसकुकर आदि दक्षिण पूर्व दिसामा राख्दा उत्तम हुन्छ भने भान्साकोठाको उत्तर दिशामा झ्याल र प्रकाशको स्रोत राख्दा राम्रो हुन्छ ।

फोहोरः भान्साकोठामा काम गर्दा विभिन्न प्रकारका फोहोर निस्कने गर्दछ । त्यस्ता फोहोरलाई भान्साकोठाको उत्तर पश्चिम कुनामा राख्दा राम्रो हुन्छ ।

हाम्रो घरको भान्साकोठा पबित्र एवं स्वच्छ स्थानमा गनिन्छ । त्यसैले गर्दा कोही-कोही भान्साकोठाभित्रै पूजास्थान पनि बनाउनु हुन्छ । तर वास्तु शास्त्र अनुसार भान्साकोठाभित्र पूजास्थान बनाउनु उचित मानिँदैन ।

भान्साकोठा हाम्रो घरको महत्वपूर्ण एवं संवेदनशील स्थान हो । यो स्थानबाट नै हाम्रो सम्पूर्ण परिवारको दिनचर्या प्रारम्भ हुन्छ । त्यसैले स्वच्छतामा र शुद्धतामा विशेष ध्यान दिनुपर्ने हुन्छ । स्वच्छ, पवित्र र वास्तु अनुसारको भान्साकोठाले तपाईँलाई प्रगति र उन्नतिको बाटोमा अगाडि बढ्न सहयोग गदर्छ ।