न्यायालय स्वतन्त्र छ भन्दैमा न्यायाधीशहरुलाई मनपरी निर्णय सुनाउने छुट छैन्ः मन्त्री गुरुङ

२८ माघ, चितवन । कानुन, न्याय तथा संसदीय मामिला मन्त्री धनराज गुरुङले न्यायाधीशहरूले आफूखुसी काम र निर्णय गर्न नपाउने बताएका छन् । न्यायाधीशहरूले गल्ती गर्दा न्याय सम्पादनमा विभिन्न प्रश्न उठेको मन्त्री गुरुङले बताए । 

उनले न्यायालय स्वतन्त्र हुनुपर्नेमा जोड दिँदै न्यायालय स्वतन्त्र छ भन्दैमा न्यायाधीशले आफूखुसी निर्णय गर्न नपाउने बताए । न्यायाधीशहरूले कमी कमजोरी गरे न्यायपरिषद्ले कारबाही गर्ने उनको भनाइ थियो । न्याय सम्पादनमा यदि कमी कमजोरी देखियो र त्यसमाथि केही कुरा जोडिएर आयो भने सरकारले कसैलाई छाड्दैन ।

वर्तमान सरकार गठन हुँदाकै समयको तुलनामा अहिले धेरै सुधार भएको बताएका छन् । नेपाली कांग्रेस चितवन सूचना तथा प्रचार विभागले आज आयोजना गरेको पत्रकार सम्मेलनमा मन्त्री गुरुङले धेरै सुधार भए पनि मुलुकमा अझै अप्ठ्यारो अवस्था भने कायमै रहेको उल्लेख गरे । 

वर्तमान गठबन्धन सरकार गठन हुँदा अवस्था निकै चुनौतीपूर्ण थियो । सबैतिर अब नेपाल पनि श्रीलंकाकै पद चापमा जाने भयो भन्ने अवस्थामा थियो । हामीहरू मन्त्रिमण्डलमा समावेश भइसकेपछि त्यो अप्ठ्यारो परिस्थितिबाट बिस्तारै ‘ट्र्याक’मा ल्याउँदै छाैं । पूरै राम्रो भइसकेको भने छैन,  उनले भने ।  

सहकारी पीडितका विषयमा नेपाल प्रहरीको केन्द्रीय अनुसन्धान ब्यूरोले अध्ययन गरिरहेको बताउँदै उहाँले दोषी देखिएका सबैलाई कानुनी दायरामा ल्याइने स्पष्ट पार्दै राजनीतिक प्रभावले ठगी धन्दामा लाग्नेलाई सरकारले छोड्ने र छुट नदिने बताए । केही अप्ठ्यारो परिस्थितिका कारण जनताको चाहनाअनुसार काम हुन नसकेको भनाइ उनको भनाइ थियो ।

फरक प्रसंगमा बोल्दै नेपाली कांग्रेसका उपसभापति गुरुङले समुदायमा कांग्रेस अभियानका क्रममा देखिएको निराशाबाट आत्तिनुपर्ने अवस्था नरहेको बताए । लोकतन्त्र मान्ने मान्छे निराश हुने आत्तिने होइन, जनमत परिवर्तन भइरहन्छ, राजनीति निरन्तर बग्ने नदी भएकाले उतारचढाव आइरहने भन्दै उनले आत्तिन नहुने बताए ।