शिखर इन्स्योरेन्सको नाफा १९.१७ प्रतिशत बढ्यो

२९ माघ, काठमाडौं । शिखर इन्स्योरेन्सको नाफा १९.१७ प्रतिशतले बढेको छ । चालु आर्थिक वर्षको दोस्रो त्रैमासिकसम्म आइपुग्दा शिखर इन्स्योरेन्सको १९.१७ प्रतिशतले बढेर खुद नाफा २५ करोड ११ लाख १२ हजार रूपैयाँ पुगेको हो । गत वर्षको यसैअवधिमा यसले २१ करोड ७ लाख १० हजार रूपैयाँ खुद नाफा कमाएको थियो । 

कम्पनीको यसअवधिमा खुद बिमा शुल्क आर्जन ८.०३ प्रतिशतले बढेर ५५ करोड १४ लाख १२ हजार रूपैयाँ पुगेको छ । अघिल्लो वर्षको यसैअवधिमा यसले ५१ करोड ४ लाख २ हजार रूपैयाँ खुद बिमा शुल्क आर्जन गरेको थियो ।

लगानी तथा कर्जाबाट २० करोड २७ लाख ५० हजार रूपैयाँ आम्दानी गरेको छ । पुस मसान्तसम्म आइपुग्दा शिखर इन्सुरेन्सको चुक्ता पुँजी २ अर्ब ६५ करोड ४९ लाख ४७ हजार रूपैयाँ छ । प्रतिशेयर आम्दानी १ रूपैयाँ १९ पैसाले बढेर १८ रूपैयाँ ९२ पैसा पुगेको छ । प्रतिशेयर नेटवर्थ १९९ रूपैयाँ १५ पैसा छ ।