रिलायबल नेपाल लाइफ इन्स्योरेन्सको सातौँ वार्षिक साधारण सभा सम्पन्न

१ फागुन, काठमाडाैं । रिलायबल नेपाल लाइफ इन्स्योरेन्स लिमिटेड कम्पनीको सातौँ वार्षिक साधारण सभा सम्पन्न भएको छ । सोमबार कम्पनीका अध्यक्ष उदय नेपाली श्रेष्ठको अध्यक्षतामा सभा सम्पन्न भएको हो ।

सभाले नियमित एजेण्डाहरु सञ्चालक समितिको चौथो वार्षिक प्रतिवेदन, आ।व। २०७९/०८० को सहायक कम्पनी रिलायवल इन्भेष्टमेन्ट एण्ड मर्चेण्ट क्यापिटल लि. सहितको एकीकृत वित्तीय विवरणहरू, लेखापरीक्षकको नियुक्तिका साथ शेयरधनीहरुलाई १६ प्रतिशत बोनस शेयर र ०.८४ प्रतिशत नगद लावंश पारित, सो अनुरूप पुँजी वृद्धि गर्ने र प्रबन्धपत्रका सम्बद्ध दफाहरू संशोधन गर्ने साधारण तथा विशेष प्रस्तावहरू पारित गरेको छ ।

बैंकका अनुसार वार्षिक साधारण सभाबाट कम्पनीमा पहिलो पटक सर्वसाधारण सेयर धनीहरूको तर्फबाट संचालकमा डा. भिष्म कार्की, दिवेश लोहनी निर्विरोध निर्वाचित भएका छन् । यसै वर्ष सर्वसाधारणमा प्रिमियममा शेयर जारी गरेको कम्पनीको कम्पनीको चुक्ता पुँजी रु। ४ अर्ब ६४ करोड पुरा भएको छ ।

वार्षिक साधारण सभामा सेयर धनीहरूले राखेको जिज्ञासाहरू उपर कम्पनीका अध्यक्ष र प्रमुख कार्यकारी अधिकृतहरूले जवाफ दिएका थिए ।