नेपाल पुनर्बिमा कम्पनीको संस्थापक शेयर बिक्री खुला

८ फागुन, काठमाडौं । आईजीआई प्रुडेन्सियल इन्स्योरेन्सले आफ्नो स्वामित्वमा रहेको नेपाल पुनर्बिमा कम्पनीको संस्थापक शेयर आजदेखि बिक्री खुला गरेको छ ।

यसमा २० लाख कित्ता शेयरमा पुनर्बिमा कम्पनीकै संस्थापक शेयरधनीले मात्र आवेदन दिन सक्ने कम्पनीले जनाएको छ । यस अवधिमा कुनै पनि संस्थापकबाट आवेदन नपरेमा सर्वसाधारण लगानीकर्तालाई बिक्री खुला गरिनेछ ।

यस शेयरमा न्यूनतम् २८० रुपैयाँ वा सो भन्दा बढी मूल्य कबोल गरी गोप्य शिलबन्दी बोलपत्र पेश गर्नुपर्ने हुन्छ । आवेदकहरुले चैत १२ गतेसम्म आवेदन दिन मिल्नेछ । 

आवेदकले बिक्री प्रबन्धक ग्लोबल आइएमई क्यापिटल, नक्साल काठमाडौंमा पुग्ने गरी आवेदन बुझाउनुपर्नेछ ।आवेदकले आफूले खरिद गर्न चाहेको शेयर संख्या खुलाएर आवेदन दिनुपर्नेछ ।