सुनको भाउ तोलामा ४०० रूपैयाँले बढ्यो, कतिमा हुँदै छ कारोबार ?

९ फागुन, काठमाडौं । सुनचाँदीको भाउ बढेको छ । बुधबार तोलामा ४०० रूपैयाँले बढेर छापावाल सुन प्रतितोला १ लाख १८ हजार ४०० रुपैयाँमा र तेजाबी सुन प्रतितोला १ लाख १७ हजार ८५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । 

मंगलबार छापावाल सुन प्रतितोला १ लाख १८ हजार रुपैयाँमा खरिदबिक्री भएको थियो । बुधबार चाँदी तोलामा ५ रूपैयाँले बढेर प्रतितोला १ हजार ४१५ रुपैयाँमा खरिदबिक्री भइरहेको महासंघले जनाएको छ। मंगलबार चाँदी प्रतितोला १ हजार ४१० रुपैयाँमा किनबेच भएको थियो ।