गठबन्धन सरकार ढल्यो, एमाले, माओवादी र रास्वपा लगायतको नयाँ समीकरण बन्ने

२१ फागुन, काठमाडौं । प्रधानमन्त्री पुष्पकमल दाहाल ‘प्रचण्ड’ले गठबन्धनको औचित्य समाप्त भएको बताएका छन् । सत्ता साझेदार पार्टी नेपाली कांग्रेस पार्टी कारण गठबन्धनकाे औचित्य समाप्त भएकाे प्रचण्डले बताएका छन् ।

सङ्क्रमणकालीन न्याय र राष्ट्रिय सभा अध्यक्षको निर्वाचनमा मिलेर जाने एमाले–माओवादीसहितका दलहरूबीच सहमति भएकाे छ । साे अनुसार सोमबार बिहान बोलाइएको गठबन्धन बैठक स्थगित भएसँगै वर्तमान माओवादी केन्द्रका अध्यक्ष प्रचण्ड नेतृत्वको सरकार ढलेको हो ।

नेपाली का‌ंग्रेसकाे भर्खर सम्पन्न महासमिति बैठकबाट पारित दस्तावेज अस्वीकार्य भएको निष्कर्षसहित सत्ताको नेतृत्व गरिरहेको नेकपा माओवादी केन्द्रले नेकपा एमालेसहितका दलहरूसँग मिलेर नयाँ समीकरण बनाउने समझदारी भएको बुझिएकाे छ । 

 माओवादी केन्द्रका एक पदाधिकारीका अनुसार राष्ट्रिय सभा अध्यक्षमा कांग्रेसका दावी र कांग्रेसकाे नयाँ राजनीतिक रणनीतिले गठबन्धनलाई सिधै असर पारेकाे भन्दै गठबन्धन ताेडिएकाे बताए ।