महामन्त्री शर्माकाे स्पष्टिकरण, ‘कांग्रेसले कसैलाई प्रधानमन्त्रीको प्रस्ताव गरिएको छैन’

२३ फागुन, काठमाडौं । नेपाली कांग्रेसका महामन्त्री विश्वप्रकाश शर्माले पार्टीले कसैलाई प्रधानमन्त्रीमा प्रस्ताव नगरेको स्पष्ट परेका छन् ।

महामन्त्री शर्माले सामाजिक सञ्जाल फेसबुकमा लेखेका छन्, ‘के कांग्रेसले ‘फलाना’लाई प्रधानमन्त्री ‘अफर’ गरेको हो ? स्पष्ट गरौं–कसैलाई पनि यस्तो प्रस्ताव गरिएको छैन !’

‘नयाँ गठबन्धनलाई संविधान रक्षा र जनहितमा कार्य गर्न शुभकामना व्यक्त गरेका छन् । नयाँ परिस्थितिमा जिम्मेवार प्रतिपक्षको भूमिका तयारीमा छौं, हामी’, उनले लेखेका छन् ।

कांग्रेसका सभापति शेरबहादुर देउवाले राष्ट्रिय स्वतन्त्र पार्टीका सभापति रवि लामिछानेलाई प्रधानमन्त्रीमा प्रस्ताव गरिएको विभिन्न सञ्चार माध्यमले समाचार छापेको थियो । 

उता रास्वपाका महामन्त्री डा. मुकुल ढकालले कांग्रेसबाट प्रस्ताव आएको स्वीकार गरेका छन् । उनले कांग्रेसको ललिपपमा नपस्ने र वर्तमान गठबन्धनमा सम्मानजनक स्थान खोज्ने स्पष्ट पारे ।