स्वस्थ रहन कस्ता खानेकुरा खाने ? थाहा पाउनुस्

२४ फागुन, काठमाडौं । स्वस्थ रहनको लागि हाम्रो पाचन प्रणाली बलियो हुनु अति आवश्यक छ । हाम्रो शरीरमा पाइने धेरै पाचन इन्जाइमहरूले पाचन प्रणालीलाई सुधार गर्छ। तर, कहिलेकाहीँ यसको कमीले पाचन शक्तिलाई कमजोर बनाउँछ। यस्तो अवस्थामा केही खानेकुराको सहयोगले शरीरमा यी इन्जाइमको कमीलाई हटाउन सकिन्छ ।

शारीरिक स्वास्थ्य होस् वा मानसिक स्वास्थ्य, सबै कुरा हाम्रो पाचन प्रणालीमा निर्भर गर्दछ किनभने पेट स्वस्थ रह्यो भने शरीर पनि स्वस्थ रहन्छ। यसैले सही पाचनका लागि सही खाना धेरै महत्त्वपूर्ण छ। खानपिनमा अलिकति लापरबाहीले दिनभरि पेट फुल्ने, अमिलो डकार्ने, एसिडिटी हुने वा पेट खराब हुने गर्छ ।

कमजोर पाचन प्रणालीलाई सुधार्नको लागि औषधिको लगातार सेवनले स्वास्थ्यलाई हानि पुर्‍याउँछ। यस्तो अवस्थामा तपाईँले पाचन सुधार गर्न आफ्नो आहार परिवर्तन गर्न सक्नुहुन्छ। पाचन सम्बन्धी इन्जाइमले भरिपूर्ण केही यस्ता खानेकुरा छन्, जसलाई तपाईँले आफ्नो पाचन प्रणालीलाई मजबुत बनाउन आफ्नो आहारमा समावेश गर्न सक्नुहुन्छ।

पाचन इन्जाइम के हो ?
हाम्रो शरीरमा एमाइलेज, माल्टेज, ल्याक्टेज, लिपेज, सुक्रेज र प्रोटीज सहित धेरै पाचन इन्जाइमहरू छन्। यी सबै प्रमुख इन्जाइमहरू हुन् जसले हाम्रो पाचन प्रणालीलाई बलियो बनाउन मद्दत गर्दछ। यी मुख, पेट र सानो आन्द्रा लगायत हाम्रो पाचन प्रणालीमा बनाइन्छ, तर यी सबै अंगहरू बाहेक, प्यान्क्रियाजले तिनीहरूलाई बनाउनमा महत्त्वपूर्ण भूमिका खेल्छ। यी इन्जाइमहरूले हाम्रो शरीरमा पोषक तत्वहरू तोड्न र अवशोषित गर्न मद्दत गर्दछ र हामीलाई स्वस्थ राख्न मद्दत गर्दछ।

किवी
यसमा प्रोटियोलाइटिक नामक इन्जाइम पाइन्छ, जसले प्रोटिन पचाउन मद्दत गर्छ। यसमा पाइने फाइबरले आन्द्राको सूजन र कब्जियत कम गर्न पनि मद्दत गर्छ।

स्याऊ
स्याउमा प्रशस्त मात्रामा पेक्टिनका साथै घुलनशील फाइबर हुन्छ, जसले पाचन प्रणालीलाई बलियो बनाउन मद्दत गर्छ।

मेवा
यसमा पपेन इन्जाइम पाइन्छ, जसले प्रोटिनलाई तोडेर पाचन प्रणालीलाई राम्रो बनाउन मद्दत गर्छ।

एभोकाडो
एभोकाडोमा लिपेज नामक इन्जाइम हुन्छ, जसले बोसो पाचन प्रबन्ध गरेर पोषणमा मद्दत गर्छ।

केरा
यसमा एमाइलेज र ग्लुकोसिडेज नामक इन्जाइम हुन्छ, जसले चिनी पचाउन मद्दत गर्छ। पेटको पाचन प्रणालीलाई मजबुत राख्न दैनिक एक केरा खानु लाभदायक साबित हुन्छ ।

भुइँ कटहर
यसमा ब्रोमेलेन नामक इन्जाइमको समूह पाइन्छ, जसले प्रोटिनलाई टुक्राएर एमिनो एसिडमा विभाजन गर्न मद्दत गर्छ। यसले प्रोटिन पचाउने शक्ति पनि बढाउँछ ।

मह
यसमा डायस्टेज, इन्भर्टेज र प्रोटीज नामक इन्जाइमहरू पाइन्छ, जसले शरीरमा चिनी र प्रोटिनलाई तोडेर पाचन प्रणालीलाई सुधार्न मद्दत गर्छ।

अदुवा
यसमा पाइने जिङ्गिबीन इन्जाइमले प्रोटिन पचाउन महत्वपूर्ण भूमिका खेल्छ, जसले पाचन प्रणालीलाई स्वस्थ राख्छ।