अनुदानमा ट्याक्टर मिलाइदिन्छु भन्दै १० करोड भन्दा बढी ठगेर फरार भए कार्यालय सहयोगी कर्ण
नेपालबहस संवाददाता
फागुन २८, २०८० सोमबार १२:५१:३७
२८ फागुन, सिराहा । सिराहाको एक सरकारी कार्यालयमा प्रमुख कै मिलोमतोमा करार सेवामा कार्यरत कार्यालयका सहयोगीले सेवाग्राहीसँग अनुदानको ट्याक्टर मिलाइदिने भन्दै लाखौं रुपैयाँ ठगेर फरार भएका छन् ।
जिल्लाको कृषि ज्ञान केन्द्र, सिराहाका कार्यालय प्रमुख नरेन्द्र कुमार महासेठकै मिलेमतोमा करार सेवामा कार्यालय सहयोगीको रुपमा कार्यरत कर्मचारी अजयकुमार कर्णले किसानहरूलाई अनुदानमा ट्याक्टर दिलाइदिने भन्दै लाखौं रकम असुल गरी फरार भएका हुन् । नागरिकको कम्तीमा पनि १० करोड बराबरको रकम हिनामिना गरी कर्ण फरार भएका छन्
कार्यालय सहयोगीको रुपमा कार्यरत कर्णले कृषि ज्ञान केन्द्रबाट अनुदानमा वितरण गरिने कृषि औजारहरू ट्याक्टर, थ्रेसर, पावर ट्रेलर लगायतका कृषि उपकरण लिन कार्यालय प्रमुखलाई अग्रिम घुस रकम दिनुपर्ने भन्दै ११ जना किसानहरुसँग करिब ९६ लाख रकम ठगेर फरार रहेको पीडित किसानहरू बताउँछन् ।
कार्यालय सहयाेगी कर्णले लक्ष्मीपुर पतारी ५ का लालु यादवसँग अनुदानको ट्रयाक्टर मिलाइदिने भन्दै ५ लाख रकम लिएका थिए । यादवले न त अनुदानको ट्याक्टर नै पाए नत रकम नै फिर्ता पाए । उनले भने, ‘रकम दिए पनि मैले ट्याक्टर पाइन, पछि रकम फिर्ता गर्नुनपर्ने भनेपछि कर्णले २०८१/४/१७ गतेको मिति उल्लिखित पाँच लाखको चेक दिए , अहिले सुन्छु उनी फरार छन् ।’
औरही गाउँपालिका–२ स्थित तुलसीपुरकी पुनिता महतोले ‘ठगी गर्ने कर्ण चिनजानकै व्यक्ति हुन् । कृषि ज्ञान केन्द्रका कर्मचारी पनि भएकाले विश्वास गरी ट्रयाक्टर पाउने आसले अग्रिम अनुदानको आधा रकम बुझाइदिए । तर, ‘अहिले न ट्याक्टर पाइयो, न रकम फिर्ता नै ।’ उनका अनुसार कर्णले गत कात्तिक १९ र २० गते नबिल र ग्लोबल आईएमई बैंकको चेक दिएका थिए । तर उक्त खातामा चेक बराबरको रकम नभएको पाइयो ।
पीडितले पटक–पटक बैंक जाँदा पनि उक्त खातामा रकम नभएको जानकारी पछि चेक अनादरमा बैंकिङ कसुरसम्बन्धी जिल्ला प्रहरी प्रशासन कार्यालयमा बैंकको अनादर चेक रिपोर्टसहित निवेदन दिएका छन् । अर्नामा गापा ४ का मनोज कुमार यादवलाई पनि कर्णले ठगेर फरार भएपछि मानसिक तनावमा परेको बताए । कर्णले सिराहाको औरही, अर्नामा, कल्याणपुर, मिर्चैया, वरियारपट्टी, लक्ष्मीपुर पतारीलगायतका स्थानबाट ११ जना किसानको करिब ९६ लाख कर्णलाई ट्याक्टर पाउने आशमा बुझाएको पीडितहरूले बताए ।
पीडितहरुको यकिन तथ्यांक नभए पनि सयौंको संख्यामा हुनसक्ने स्थानीय मनोज यादव बताउँछन् । उनका अनुसार नागरिकको कम्तीमा पनि १० करोड बराबरको रकम हिनामिना गरी कर्ण फरार भएका छन् । फरार कर्ण सिराहा नगरपालिका १० स्थायी बासिन्दा हुन् । अहिले दैनिक दर्जनौं पीडित व्यक्ति घर पुग्ने गरेको बताइन्छ ।
कृषि ज्ञान केन्द्र सिराहाले भने फरार रहेका कर्ण कार्यालय सहयोगी मात्र भएको जानकारी दिएको छ । बजारमा कार्यालय सहयोगी कर्णले रकम असुली गरेको भन्ने हल्ला चलेका बेला आफूहरूले अनुसन्धान गर्दागर्दै कार्यालय छोडेर भागेको ज्ञान केन्द्रका प्रमुख महासेठले बताए ।
कर्ण कृषि ज्ञान केन्द्र स्थापना भएपछि २०७७ मा किसुनदेव राउत कार्यालय प्रमुख भएका बेला करार सेवाका कार्यालय सहयोगी नियुक्त भएको कार्यालय प्रमुख महासेठले बताए । प्रत्येक पीडितहरुबाट कर्णले पाँचदेखि नौ लाखसम्म लिएका थिए । केही बैंकमार्फत त केही नगदमा उक्त रकमको कारोबार गरिएको पीडितहरूले बताए । ट्याक्टर नपाउने सबैको रकम फिर्ता गरिदिने जनाउँदै विभिन्न मितिमा नबिल र ग्लोबल आईएमई बैंकको चेक सहीछाप गरी पीडितलाई दिएका थिए । कर्णले नायव सुब्बाको परिचयपत्र झुन्ड्याएर ठगी गरेको पीडितहरू बताउँछन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकैलालीमा तीन लाख ४० हजार पशु चौपायालाई खोप
बैशाख १९, २०८१ बुधबार
बाँझो जग्गामा खेती गर्ने किसानलाई प्रोत्साहन गर्ने
बैशाख १८, २०८१ मंगलबार
आयवृद्धिमा सघाउन एकल महिलालाई बाख्रा वितरण
बैशाख १८, २०८१ मंगलबार
एसपीको ड्राइभर कि घुमुवा ?
नेपालबहस संवाददाता
बैशाख १७, २०८१ सोमबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
आईजीकै सचिवालयमा एसएसपी कार्कीको चुरीफुरी !
बैशाख १९, २०८१ बुधबार
सशस्त्र प्रहरी बलका १६ डीआईजी र १८ एसएसपीको सरुवा, मधेश प्रदेशमा धौबजी र कोशीमा सुवेदी
बैशाख १९, २०८१ बुधबार
नेपालगञ्ज मेडिकल कलेजको शेयर संरचना परिवर्तन, अध्यक्षमा व्यवसायी खुमा अर्याल सर्वसम्मत
बैशाख १९, २०८१ बुधबार
जीबी राईको हत्या भएको भन्दै प्रचार गर्ने डिल्लीराम खनाल पक्राउ
बैशाख १९, २०८१ बुधबार
भावुक स्टाटस लेख्दै सन्दीप लामिछानेले भने- 'म षड्यन्त्रको सिकार भएँ'
बैशाख १९, २०८१ बुधबार
डढेलो निभाउने क्रममा मृत्यु भएकाका परिवारलाई आर्थिक सहयोग
बैशाख १९, २०८१ बुधबार
श्रमिकको कथामा चलचित्र ‘लेबर’ बन्ने घोषणा
बैशाख १९, २०८१ बुधबार
पोखरामा डढेलोले मौसम धुम्मिदा उडान अनियमित, पर्यटक आगमन ठप्प !
बैशाख १९, २०८१ बुधबार
नेपालको पत्रकारिता क्षेत्र लोकतन्त्रको जग : मुख्यमन्त्री कार्की
बैशाख १९, २०८१ बुधबार