कांग्रेस उम्मेदवार शर्माको पक्षमा १७ मत र विपक्षमा ३९ मत

नेपालबहस संवाददाता

फागुन २९, २०८० मंगलबार १३:१६:२९

२९ फागुन, काठमाडौं । नेपाली कांग्रेसबाट राष्ट्रिय सभाको अध्यक्षमा उम्मेदवार बनेका युवराज शर्मालाई निर्वाचित गरियोस् भन्ने प्रस्ताव राष्ट्रिय सभाबाट अस्वीकृत भएको छ । मंगलबार भएको मतदानमा शर्माको विपक्षमा बहुमत सदस्यले मत जाहेर गरेपछि शर्माको नाम अस्वीकृत भएको हो ।

शर्माको पक्षमा १७ मत र विपक्षमा ३९ मत परेको छ । मतदानमा जम्मा ५६ जना सांसद उपस्थित थिए । राष्ट्रिय सभाको अध्यक्षमा अर्का उम्मेदवार नारायण प्रसाद दाहाल छन् । दाहाल नेकपा एमाले, नेकपा माओवादी केन्द्र, एकीकृत समाजवादी र जनता समाजवादी पार्टीका तर्फबाट उम्मेदवार छन् ।

नेपालबहस संवाददाता

नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

लेखकबाट थप