प्रधानमन्त्रीले विश्वासको मत नपाए ७६(३) अनुसार कांग्रेसको नेतृत्वमा अल्पमतको सरकार बन्छः ओली
नेपालबहस संवाददाता
फागुन २९, २०८० मंगलबार १६:४८:३४
२९ फागुन, काठमाडौं । नेकपा एमालेका अध्यक्ष केपी शर्मा ओलीले पार्टीका सांसदहरूलाई प्रधानमन्त्री र सरकारका विरुद्धमा नबोल्न निर्देशन दिएका छन् । विश्वासको मत दिँदा सांसदलाई तलमाथि नगर्न ओलीको निर्देशन छ । उनले बुधबार प्रधानमन्त्रीले विश्वासको मत नपाए कांग्रेसले सरकार बनाउने बताए ।
मंगलबार बसेको संसदीय दलको बैठकमा ओलीले प्रधानमन्त्रीले विश्वासको मत नपाए देश दुर्घटनामा जाने बताए । ‘बेष्ट अप्सन हो कि होइन भन्ने छाडिदिऊँ । यतिबेला अर्को कुनै अप्सन छैन । कि त प्रचण्डको नेतृत्वमा यो समीकरण कायम रहन्छ कि त ७६(३) अनुसार कांग्रेसको नेतृत्वमा अल्पमतको सरकार बन्छ भोलि । अल्पमतको सरकार अयोग्य, स्वाभिमानहीन भवितव्यले आइलागेको हुने उनले बताए ।
कांग्रेसलाई अवसर नदिने गरी दलको बैठकमा उनले प्रधानमन्त्री पुष्पकमल दाहल प्रचण्डलाई विश्वासको मत दिन निर्देशन दिए । बुधबार प्रधानमन्त्री प्रचण्डले विश्वासको मत लिँदै छन् । उनले सरकार विरुद्ध पनि नबोल्न निर्देशन दिएका छन् । ‘म साथीहरूलाई भन्छु, सरकार र प्रधानमन्त्रीको आलोचनामा बोल्ने होइन । सरकारको कुनै कुराको आलोचना गर्नुपर्याे भने आन्तरिक रुपमा गर्दा हुन्छ । नबुझीकन नबोल्नु’ ओलीले भने ।
उनले सरकार परिवर्तन हुनेबित्तिकै मिटरब्याज पीडितहरूको सुनुवाइ भएको बताए । ‘आरती साहको परिवारको पीडा सुन्दैन सरकार । बरु उनलाई दुर्व्यवहार गर्छ, यस्तो स्थितिमा देश पुगेको थियो । देशलाई सरकार परिवर्तन हुनेबित्तिकै कति हप्ताको यात्रा पूरा गरेर मेची र महाकालीबाट काठमाडौं आएका मिटरब्याज पीडितहरूको द्वन्द्व सरकारले सुनिरहेको थिएन । सरकार परिवर्तन हुनेबित्तिकै त्यो समस्या समाधान भयो । चार बुँदे सहमति भयो । उहाँहरू घर फर्किनुभयो,’ उनले भने ।
उनले सरकारले गाडीको बन्दोबस्त गरेर घर पठायो होला भन्ने विश्वास व्यक्त गरेका थिए । उनले सरकार गतिहीन ढंगले चलेको, आर्थिक वृद्धि दर हासिल गर्न नसकेकाले परिवर्तन गर्नुपरेको बताए । ‘दुनियाँले देख्ने–बुझ्ने गरेर एमालेले अर्थमन्त्रालयको नेतृत्व लिन्छ भन्दा सेयर बजार दुईपल्ट, तीनपल्ट, एकै दिनमा ब्रेक लगाउनुपर्यो । भोलिपल्ट एमालेले नलिने भने भने स्वाट्टै झरेर माइनसमा जाने अवस्था देखियो । अहिले पनि एमाले आयो भनेपछि शेयरबजार ह्वात्तै बढेको छ,’ उनले भने ।
ओलीले पार्टीबाट सरकारमा सहभागी मन्त्रीहरूलाई जनताले देख्ने गरी काम गर्न निर्देशन दिए । बैठकमा ओलीले परिवर्तन ल्याउने गरी काम गर्न निर्देशन दिए । म मन्त्रीज्यूहरूलाई जनताले देख्ने गरी, अनुभव गर्ने गरी सकारात्मक काम गर्न आग्रह गर्दछु । अहिलेका चुनौतीको सामना गर्ने, अहिलेको परिस्थितिमा परिवर्तन ल्याउने गरी काम गर्न आग्रह गर्छु, उनले भने ।
उनले जे गरे पनि विरोध गर्नेहरूको कुरामा ध्यान नदिन अनुरोध गरे । जे गरे पनि विरोध गर्ने । जसो गरे पनि विरोध गर्ने । ती विरोध गरिरहन्छन् । हामी प्रतिपक्षमा हुँदा विरोध गर्न खोजे, उनले भने । ओलीले झुटा आरोप र लाञ्छनाको क्रियाकलापमा सहभागी नहुने बताए । उनले भ्रष्ट क्रियाकलाप नगर्न मन्त्रीहरूलाई निर्देशन दिए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराष्ट्रपति पौडेलद्वारा इरानका राष्ट्रपति रायसीको निधनप्रति दुख व्यक्त
जेठ ७, २०८१ सोमबार
सडक आन्दोलनबारे निर्णय गर्न कांग्रेसले बोलायो केन्द्रीय कार्यसमिति बैठक
जेठ ७, २०८१ सोमबार
संसदीय इतिहासमा कलंकित दिन, २०८१ साल जेठ ७ गते
जेठ ७, २०८१ सोमबार
तपाईको आजको राशीफल कस्तो छ ?
जेठ ७, २०८१ सोमबार
बागमती प्रदेश सभा बैठक : विनियोजित बजेटको सिद्धान्तमाथि छलफल
जेठ ७, २०८१ सोमबार
राष्ट्रपति पौडेलद्वारा इरानका राष्ट्रपति रायसीको निधनप्रति दुख व्यक्त
जेठ ७, २०८१ सोमबार
जिल्ला अस्पताल हुम्लामा औषधि अभाव, बिरामी खाली हात फर्किन बाध्य
जेठ ७, २०८१ सोमबार
सिंहदरबार र नेताको घरको फोहोर उठ्दैन, को-को जुध्न आउने हो, आए हुन्छ : बालेन
जेठ ७, २०८१ सोमबार
अवैध बिनान्स एपमार्फत लगानी गर्ने चार जना पक्राउ
जेठ ७, २०८१ सोमबार
इरानमा पाँच दिनको राष्ट्रिय शोक घोषणा
जेठ ७, २०८१ सोमबार