पोखराका बिग मार्टमा माछापुच्छ्रे् बैंकको कार्ड प्रयोग गर्दा १० प्रतिशत छुट पाइने

३० फागुन, काठमाडौं । माछापुच्छ्रे् बैंकले पोखरामा हालै उद्घाटन भएका बिग मार्ट सुपरमार्केटमा १० प्रतिशत छुट दिने भएको छ । बैंकका ग्राहकले डेबिट अथवा क्रेडिट कार्डको माध्यमबाट गरेका कारोबारमा उक्त छुट बैंकले प्रदान गर्न लागेको हो ।

बैंकले ग्राहकले डेबिट कार्डमार्फत कारोबार गरेको खण्डमा प्रति व्यक्ति १०% वा बढीमा रु.२०० सम्म क्यास ब्याक तथा क्रेडिट कार्डमार्फत कारोबार गरेको खण्डमा अधिकतम रु २०० सम्म छुट पाउने व्यवस्था गरेको हो । यो क्यास ब्याक बिग मार्टका रामबजार, पर्स्याङ, बगर, शितलादेवी, र फूलबारीमा खुलेका पसलहरूमा उपलब्ध हुने बैंकले जानकारी दिएको छ ।

माछापुच्छ्रे् बैंकले देशभर रहेका विभिन्न संघसंस्था तथा व्यापार व्यवसायसँग व्यवसायीक सम्झौता गरि आफ्ना ग्राहकहरूलाई आकर्षक छुट प्रदान गर्दै आइरहेको छ । यस प्रकारको सम्झौताले गर्दा  ग्राहकहरूलाई सुविधा लगायत व्यापार व्यवसाय तथा पर्यटन प्रवर्द्धनमा सघाउ पुग्दै आइरहेको छ । साथै बैंकले अर्थतन्त्रमा प्रत्यक्ष योगदान पुर्याउने उद्देश्यका साथ ग्रीन बैंकिङलाई प्राथमिकतामा राखेर आफ्ना नवीनतम् डिजिटल उत्पादन तथा सेवाहरू संचालन गरिरहेको जनाएको छ ।