धरानबाट भोजपुर हिँडेको बोलेरो उदयपुरमा दुर्घटनाः ७ जनाको मृत्यु, ७ घाइते

१ चैत, उदयपुर । धरानबाट भोजपुर जाँदै गरेको जिप उदयपुरमा दुर्घटना हुँदा ७ जनाको मृत्यु भएको छ । धरानबाट जाँदै गरेको को १ ज २५९३ नम्बरको जिप उदयपुर र भोजपुरको सिमाना बेलका नगरपालिका, मैनामैनीनजिकै दुर्घटना भएको हो । 

बोलेरो बिहीबार बिहान उदयपुरको मैनामैनीमा दुर्घटना भएको प्रहरीले जनाएको छ । बोलेरोमा १४ जना सवार रहेका थिए । जसमध्ये ७ जनाको मृत्यु भएको छ । जिल्ला प्रहरी कार्यालय उदयपुरले स्थानीयसँगको समन्वयमा प्रहरीले मृतक र घाइतेको उद्धार गरेको बताएको छ ।  

मृत्यु हुनेको पहिचान खुल्न बाँकी रहेको प्रहरीले जनाएको छ ।  दुर्घटनामा घाइते भएका ७ जनालाई उद्धार गरी उपचारका लागि अस्पताल पठाइएको छ ।