रामेछापको टार गाउँमा आगलागी, २६ घरगोठ जले

१ चैत्र, काठमाडौं । रामेछाप नगरपालिका–९ टार गाउँमा वनमा लागेको आगो बस्तीमा सल्किँदा २६ वटा घरगोठ जलेर नष्ट भएका छन् । बिहीबार आगलागीले २६ वटा घरगोठ पूर्ण रुपमा जलेर नष्ट भएका हुन् ।

प्रहरीका अनुसार गाउँका १४ वटा घर र १२ वटा गोठ जलेर नष्ट भएका छन् । मानवीय क्षति नभए पनि घर भित्र रहेको धनमाल, अन्नपात, लत्ताकपडा सबै जलेका छन् ।  ५० वटा भन्दा बढी खसीबाख्रा आगोले जलेर मरेका छन् । 

४५ घरगोठ रहेको गाउँमा आगो अझै पूर्णरुपमा नियन्त्रणमा नआएका बतायएको छ । नेपाली सेना, प्रहरी, ससस्त्र प्रहरी, डिभिजन वन कार्यालयका अग्निनियन्त्रक टोली, मन्थली नगरपालिकाको दमकल र स्थानीय नागरीकहरु आगो नियन्त्रणको प्रयास गरिरहेका छन् ।