राष्ट्रिय सभाको कार्यव्यवस्था परामर्श समितिमा ७ जना मनोनयन

७ चैत, काठमाडौं । राष्ट्रिय सभा कार्य व्यवस्था परामर्श समितिका लागि सात जनाको नाम चयन भएको छ । राष्ट्रिय सभाको बुधवारको बैठकमा अध्यक्ष नारायणप्रसाद दाहालले नाम चयन गरेका हुन् ।

जसमा आनन्दप्रसाद ढुङ्गाना, गोपीबहादुर सार्की अछामी, तुलप्रसाद विश्वकर्मा, भगवती न्यौपाने, मदनकुमारी साह, मोहम्मद खालिद, शेखरकुमार सिंह रहेका छन् । 

राष्ट्रिय सभा कार्य व्यवस्था परामर्श समितिका मनोनयन गर्न अध्यक्षले प्रस्ताव गरेका हुन् । राष्ट्रिय सभा नियमावली, २०७५ को नियम १३ को उपनियम १ बमोजिम कार्य व्यवस्था परामर्श समितिमा रहने सदस्यहरूको नाम मनोनयन गरिएको हो । अहिले राष्ट्रिय सभाको बैठक जारी छ ।