दोषीमाथि कारवाहीको माग लिएर राज्य व्यवस्था समितिमा पुगेका सहकारी पीडितले गृहमन्त्रीविरुद्ध दिए उजुरी
नेपालबहस संवाददाता
चैत ८, २०८० बिहिबार १३:५४:२५
८ चैत, काठमाडौं । पोखराको सूर्यदर्शन सहकारीका पीडितहरू सहकारीको पैसा ठग्ने माथि कारवाही र आफूले राखेको बचत फिर्ता हुने वातावरण मिलाइदिन माग गर्दै प्रतिनिधिसभाको राज्य व्यवस्था तथा सुशासन समितिमा पुगेका छन् ।
उनीहरुले गृहमन्त्री रवि लामिछानेविरुद्ध समितिमा सहकारी ठगीको उजुरी पनि दिएका छन् । राज्य व्यवस्था समितिमा पोखराको सूर्यदर्शन बचत तथा ऋण सहकारी संस्थामा बचत गरिएको रकम फिर्ता गर्ने व्यवस्था मिलाइदिन भन्दै पीडितले उजुरी दिएका हुन् ।
उनीहरुले उपप्रधान तथा गृहमन्त्री रवि लामिछानेसँग सहकारी र टेलिभिजनमा सम्बन्ध जोडिएका जीबी राईको खोजी नभएकोमा गुनासो गरेका छन् ।
बिहीबार दोषी माथि कारवाही र आफूहरूको वचत फिर्ताको वातावरण बनाइदिन आग्रहका लागि उनीहरू राज्य व्यवस्था तथा सुशासन समितिमा पुगेका हुन् । पीडितका तर्फबाट संघर्ष समितिका अध्यक्ष किरण श्रेष्ठले राज्य व्यवस्था समितिका सभापति रामहरि खतिवडालाई ज्ञापन पत्र बुझाउँदै कारवाही र वचत फिर्ताको वातावरण बनाइदिन आग्रह गरे ।
सूर्यदर्शन सहकारीमा दुई वर्षयता १८ हजार ७०० जना बचतकर्ताको १ अर्ब ४० करोड रुपैयाँ फिर्ता पाउन बाँकी रहेको भन्दै उनले यसको फिर्ताका लागि पहल गरिदिन आग्रह गरे । सञ्चालक समितिका पदाधिकारीविरुद्ध उजुरी दिए पनि सहकारीका अध्यक्ष जीबी राईसहित १४ जना अझै फरार रहेको र सरकारले उनीहरुलाई पक्राउ गर्न चासो नदिएको गुनासो गरे ।
अध्यक्ष श्रेष्ठले सूर्यदर्शन सहकारीका अध्यक्ष जीबी राईलाई सरकारले नै किन लुकाएको छ भनी प्रश्न गरे । सरकारले नलुकाएको भए विश्वमा जहाँ भएपनि समाउनुपर्ने बताए । सूर्यदर्शनका बचतकर्ताले जति आन्दोलन गरे पनि कुनै सरकारले पीडितका समस्यामा ध्यान नदिएको बताए ।
ज्ञापनपत्र बुझ्दै समितिका सभापति खतिवडाले सरकारले सहकारी पीडितलाई न्याय गर्ने विश्वास व्यक्त गरे । उनले संसदमा पनि आफूले बारम्बार आवाज उठाएको बताउँदै भने, ‘तपाँईहरुले प्रधानमन्त्रीलाई पनि भेट्नुभएको छ । पीडितहरुको समस्या समाधान गर्नुपर्छ । सहकारीकाे पैसा चलाएको भन्ने व्यक्ति अहिले गृहमन्त्री हुनुहुन्छ । उहाँले पीडितहरुको समस्या समाधान गर्छौँ भनेर बोलेको सुनेको छु ।’
यस्तो छ उजुरीः
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
बैशाख ११, २०८१ मंगलबार
देवकुमार नेपाली कहाँ छ, रवि दाइलाई थाहा छः पीडित
बैशाख १०, २०८१ सोमबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
तीनदिने अनुसन्धनात्मक लेखन कार्यशाला तथा तालिम सुरु
नेपालबहस संवाददाता
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
पहिलो टी २० मा नेपालसँग वेष्ट इण्डिज ४ विकेटले पराजित
बैशाख १५, २०८१ शनिबार
लगानी सम्मेलन देखाएर सरकारले अध्यादेशमार्फत कानुन संशोधन गर्न मिल्दैनः कांग्रेस
बैशाख १५, २०८१ शनिबार
वेस्ट इन्डिज ए ले नेपाललाई दियो २०५ रनको लक्ष्य
बैशाख १५, २०८१ शनिबार
व्यवसायी घराना ज्योति समूहमाथि चौधरीको आक्रमण, मोटोकर्पका सबै कारोबारमा सिजीको हस्तक्षेप
बैशाख १५, २०८१ शनिबार
इलाममा अहिलेसम्म ४९ हजार मत खस्यो
बैशाख १५, २०८१ शनिबार
सरकारका कारण संसदीय भूमिका कमजोर भयोः सभामुख
बैशाख १५, २०८१ शनिबार