किसान महासंघ सुनसरीले मनायो गिरिजाप्रसाद कोइराला स्मृति दिवस

८ चैत, विराटनगर । नेपाल किसान महासंघ कोशी प्रदेश समितिको अगुवाइमा तथा नेपाल किसान महासंघ सुनसरी जिल्ला समितिको संयोजनमा जननायक गिरिजाप्रसाद कोइरालाको १४ औ स्मृति  दिवस चैत्र ७ गते सुनसरी जिल्लाको सदरमुकाम इनरुवामा नेपाली कांग्रेसको पार्टी कार्यालयमा सम्पन्न भएको छ । 

गिरिजाप्रसाद कोइराला फाउन्डेसन सुनसरी र नेपाल किसान महासंघको संयुक्त आयोजनामा भएको शिखर पुरुष गिरिजाप्रसाद  कोइराला को १४ स्मृति दिवस कार्यक्रममा नेपाली कांग्रेसका केन्द्रीय सद्स्य राजिब कोइरालाको प्रमुख आतिथ्यमा सम्पन्न भयो । गिरिजाप्रसाद कोइराला फाउन्डेसन को सुनसरी जिल्ला संयोजक तथा नेपाल किसान महासंघका केन्द्रीय सदस्य केशबप्रसाद भट्टराईको अगुवाइमा सम्पन्न उक्त कार्यक्रममा नेपाल किसान महासंघ सुनसरी जिल्लाका अध्यक्ष रामबृक्ष मेहेताको अध्यक्षतामा गिरिजाप्रसाद कोइराला स्मृति भबनमा सम्पन्न भएको जानकारी कार्यक्रम संयोजक केशव भट्टराईले गराएका छन् ।

कार्यक्रमलाई प्रमुख अतिथि नेपाली कांग्रेस का केन्द्रीय सदस्य राजीव कोइरालाले  सम्बोधन गर्दै गिरिजाप्रसाद कोइरालाले नेपाली लोकतान्त्रिक आन्दोलनमा पुर्याएको अतुलनीय योगदानका विषयमा चर्चा गरेका थिए । राणा शासन फाल्ने देखि राजतन्त्रको अन्त्यसम्मको आन्दोलनको नेतृत्व गरेका लोकतन्त्रका महानायक गिरिजाप्रसाद कोइरालाले नेपाली कांग्रेसको संगठन निर्माणमा समेत अतुलनीय योगदान रहेको चर्चा गरेका थिए । 

कार्यक्रममा विशिष्ट अतिथि पुर्बमन्त्री सीता राम मेहेताले सुनसरी र गिरिजाबाबु एक अर्काका पुरकका रुपमा रहेको स्मरण गर्दै गिरिजाबाबुको पथप्रदर्शनमा नै नेपाली कांग्रेसको भबिष्य उज्वल हुने बताएका थिए । नेपाली कांग्रेस सुनसरी जिल्लाका जिल्ला सभापति केदार भण्डारीले गिरिजाप्रसाद कोइरालाको नामसँग जोडिएका हरेक कार्यक्रम गर्न सुनसरी कांग्रेस जहिल्यै पनि तैयार रहेको छ भन्दै नेपाल किसान महासंघ कोशी प्रदेश तथा गिरिजाप्रसाद कोईराला फाउण्डेशन सुनसरी जिल्ला समितिलाई धन्यबाद दिएका थिए । 

कार्यक्रममा अतिथीहरुले नेपाली कांग्रेसका सुनसरी जिल्ला उपसभापति नगेश चन्द्र राई नेपाल किसान महासंघ कोशी प्रदेश सभापति श्री राजेन्द्र भट्टराईले गिरिजाप्रसाद कोइरालाले लोकतन्त्रको आन्दोलनमा पुर्याएको योगदानका बिषयमा चर्चा गरेका थिए ।  जिल्ला सचिब बिरेन्द्र शाह, पुर्ब सांसद ज्योती सुब्बा, महिला सभापति बिजय कटुवा, नेपाल बिद्यार्थी संघका  सभापति प्रमोद भट्टराई, पुर्ब उप मेयर जमुना  पोख्रेल, युबा नेता दिलु राई लगायत नेता हरुले कार्यक्रम लाई सम्बोधन गरेको फाउण्डेसनका सुनसरी जिल्ला संयोजक तथा नेपाल किसान महासंघका केन्द्रीय सदस्य केशव भट्टराईले बताए ।

कार्यक्रममा नेपाली कांग्रेस कोशी प्रदेश सद्स्य कमला खतिवडा  र बिना बिस्टको गरिमामय उपस्थिती रहेको थियो । कार्यक्रम गिरिजाप्रसाद कोइराला फाउन्डेसनका सुनसरी जिल्ला सचिब डम्बर बस्नेतले सन्चालन गरेका थिए ।