अवतरण नगरी पोखराबाट यति र बुद्धका जहाज काठमाडौं फिर्ता

११ चैत, काठमाडौं । पोखरा विमानस्थलमा चरा र किराको चहलपहल बढेको भन्दै आइतबार विहान काठमाडौंबाट पोखरा उडेका यति र बुद्ध एयरलाइन्सका जहाज काठमाडौं फर्किका छन् । ती जहाज पोखरामा ल्यान्ड हुन नसक्दा काठमाडौं फर्किएका हुन् । 

पोखरा अन्तर्राष्ट्रिय विमानस्थलकी निमित्त प्रमुख जसोदा सुवेदीले काठमाडौँबाट पोखरा आएका दुई विमान ल्यान्ड हुन नसकेर फर्किएको जानकारी दिइन् । उनले बिहान ८ बजेपछि अहिलेसम्म विमानस्थलको धावनमार्ग (रनवे)मा चरा र किरा देखिएपछि  बिहानदेखि कुनै पनि विमान बस्न नसकेको बताइन् । 

बुद्ध एयरले पनि आइतबार बिहान काठमाडौंबाट पोखराको लागि उडेको बुद्ध एयरको एटीआर ७२ जहाज पोखरामा ल्यान्ड हुन नसकेपछि काठमाडौं फर्काइएको जनाएको छ । पोखरा विमानस्थल क्षेत्रमा चरा र किराको गतिविधि बढी देखिएपछि ल्यान्ड नगरी जहाज काठमाडौं फर्काइएको हो ।