स्याङ्जाका पालिकाले एक अर्ब १२ करोड अनुदान पाउने
नेपालबहस संवाददाता
चैत १३, २०८० मंगलबार ११:४८:४०
•प्रकाश डोटेल
१३ चैत, स्याङ्जा । स्याङ्जाका स्थानीय सरकारहरूले एक अर्ब १२ करोड ४ लाख अनुदान पाउने भएका छन् । राष्ट्रिय प्राकृतिक श्रोत तथा वित्त आयोगले आगामी आर्थिक वर्ष २०८१/०८२ का लागि संघीय सरकारले स्थानीय सरकारलाई दिने अनुदान सिफारिस गरेपछि जिल्लाका स्थानीय सरकारहरूले उक्त रकम अनुदान पाउने भएका हुन ।
जिल्लाका ११ स्थानीय सरकारले न्यूनतम वित्तीय समानीकरण अनुदान तर्फ ३५ करोड ७५ लाख पाउने छन् । सूत्रमा आधारित वित्तीय समानीकरण अनुदान तर्फ ७० करोड ४३ लाख पाउने छन् भने कार्य सम्पादन मुल्यांकन शीर्षकमा ५ करोड ८६ लाख अनुदान पाउने गरी वित्त आयोगले सिफारिस गरेको छ ।
५ नगरपालिका रहेको स्याङ्जामा सबै भन्दा बढि अनुदान पाउने नगरपालिका तर्फ वालिङले १५ करोड १० लाख पाउने छ भने पुतलीबजारले १३ करोड ८८ लाख अनुदान पाउने छ । १२ करोड ४५ लाख गल्याङले पाउँदा भीरकोटले १० करोड २२ लाख पाउँछ भने चापाकोटले १० करोड ७ लाख अनुदान पाउने भएको छ ।
जिल्लाका ६ गाउँपालिका मध्ये सबै भन्दा बढि अनुदान कालिगण्डकीले ९ करोड ४४ लाख पाउँदा सबै भन्दा कम फेदीखोलाले ७ करोड ४८ लाख पाउने छ । उता बिरुवाले ८ करोड ६३ लाख पाउने छ भने आँधीखोलाले ८ करोड ३६ लाख अनुदान पाउँछ । आयोगको सिफारिस अनुसार हरिनासले ८ करोड २३ लाख पाउँदा अर्जुनचौपारी ८ करोड १८ लाख मात्रै अनुदान पाउने भएको छ ।
न्यूनतम र सूत्रका आधारमा पाउने वित्तीय समानीकरण अनुदानको तुलनामा कार्यसम्पादनमा आधारित अनुदानको महत्व फरक रहेको जानकारहरुको भनाई छ । उनीहरुका अनुसार न्यूनतम् र सूत्रमा आधारित अनुदान सामान्य स्थानीय सरकारको अधिकार जस्तै हो, कार्यसम्पादन मुल्यांकन भनेको स्थानीय सरकारको दैनिक रुपमा गर्ने काम र नागरिकको सेवा हो ।
कार्यसम्पादन मूल्यांकनमा सबै भन्दा बढि अनुदान पाउनेमा भीरकोटले ६० लाख पाउने छ भने सबै भन्दा कम हरिनासले ४० लाख पाउने छ । कार्यसम्पादनमा आँधीखोलाले ५८ लाख पाउँदा फेदीखोला र कालिगण्डकीले समान ५७ लाखको दरमा अनुदान पाउने छन् ।
उता वालिङ र गल्याङले ५६ लाखको दरमा कार्यसम्पादन तर्फ अनुदान पाउँदा अर्जुनचौपारीले ५४ लाख पाउँछ । बिरुवाले ५२ लाख अनुदान पाउँदा पुतलीबजारले ५१ लाख अनुदान पाउने छ भने चापाकोटले ४५ लाख मात्रै कार्यसम्पादन शीर्षकमा अनुदान पाउने भएको छ ।
चालु आर्थिक वर्ष २०८०-०८१ का लागि भने सरकारले समानीकरण अनुदान तर्फ जिल्लाका पालिकालाई एक अर्ब ११ करोड ५६ लाख विनियोजन गरेको थियो । चालु वर्षको तुलनामा आगामी वर्ष आउने वित्तीय समानीकरण अनुदानमा ४८ लाख बृद्धि हुने भएको छ
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसिरहाका १३ पालिका दमकल विहीन
बैशाख १६, २०८१ आइतबार
स्वरोजगार प्रवर्द्धन गर्न युवालाई तालिम
बैशाख १२, २०८१ बुधबार
काठमाडौं महानगरभित्र आजदेखि गरिब घरपरिवारको गणना सुरु, २०९ जना गणक परिचालन
चैत २५, २०८० आइतबार
तीनदिने अनुसन्धनात्मक लेखन कार्यशाला तथा तालिम सुरु
नेपालबहस संवाददाता
बैशाख १४, २०८१ शुक्रबार
तीन करोड मानिसको स्वास्थ्यमाथि खेलबाड गर्ने चौधरी समूहलाई २ लाखमा उन्मुक्ति
नेपालबहस संवाददाता
बैशाख १४, २०८१ शुक्रबार
यसै आर्थिक वर्षदेखि बङ्गलादेशमा विद्युत् निर्यात हुन्छ : प्रधानमन्त्री प्रचण्ड
बैशाख १६, २०८१ आइतबार
बझाङमा १५९३ मतसहित एमालेको अग्रता कायमै, कांग्रेसलाई माओवादीले उछिन्यो
बैशाख १६, २०८१ आइतबार
काठमाडौंमा महिलाको हत्या गरेर फरार व्यक्ति ९ वर्षपछि पक्राउ
बैशाख १६, २०८१ आइतबार
बझाङ: एमाले १४०४, कांग्रेस ७६९, माओ ४०१ र एस ३६९ मत
बैशाख १६, २०८१ आइतबार
इलाम: कांग्रेस, १६४३, एमाले १६०१, स्वतन्त्र ४३७ र रास्वपाः ३०५ मत
बैशाख १६, २०८१ आइतबार
फेसबुकमार्फत हवाई टिकट मिलाइदिने भन्दै ठग्ने युवती पक्राउ
बैशाख १६, २०८१ आइतबार