पर्साबाट करीब १० लाख बराबरको अवैध सामान बरामद

२० चैत, पर्सा । पर्सा जिल्लाको विभिन्न स्थानबाट साेमबार सशस्त्र प्रहरीले ९ लाख ९६ हजार ७ सय २० रुपैयाँ बराबरको विभिन्न सामान बरामद गरेको छ ।

भारतबाट भन्सार छलि नेपालतर्फ ल्याई गाडीमा लोड गर्ने क्रममा पर्सा जिल्लाको विरगंज महानगरपालिका–७ रेल्वे रोडबाट प्रस्तावित सीमा सुरक्षा गुल्म वीरगंज पर्साले कागजात तथा प्रज्ञापन पत्र नभएको ८ लाख ४० हजार रुपैयाँ बराबरको लत्ताकपडा, जुत्ता र किराना सामान बरामद गरेको छ ।

यसैगरी वीरगंज महानगरपालिका–१६ भन्सार मेनगेट नजिकबाट भारतबाट विभिन्न सवारी साधनमा लोड गरि नेपालतर्फ ल्याउदै गरेको १ लाख २२ हजार ७ सय २० रुपैयाँ बराबरको लत्ताकपडा बरामद भएको छ । बरामद सामान वीरगंज भन्सार कार्यालयमा बुझाइएको छ