जीवाश्म इन्धन अनुदानको विरोधमा थनबर्गको नेदरल्याण्डसमा प्रदर्शन

२५ चैत, काठमाडौं । नेदरल्यान्ड्समा जीवाश्म इन्धन अनुदानको विरोधमा भएको प्रदर्शनका क्रममा वातावरणीय कार्यकर्ता ग्रेटा थनबर्गलाई प्रहरीले पक्राउ गरेको छ । थनबर्गको नेतृत्वमा भएको प्रदर्शनका क्रममा प्रमुख सडक अवरुद्ध भएपछि प्रहरीले कारबाही गरेको थियो ।

प्रहरीले प्रदर्शनका क्रममा चार सयभन्दा बढीलाई नियन्त्रणमा लिएको थियो, जसमध्ये १२ जनालाई उक्साएको आरोपमा हिरासतमा राखिएको छ । यद्यपि, वातावरणीय कार्यकर्ता ग्रेटा थनबर्गलाई पछि रिहा गरिएको थियो । 

थनबर्गलाई प्रदर्शनका क्रममा पहिलो पटक पक्राउ गरिएको केही समयपछि रिहा गरिएको थियो । पछि उनी फेरि आफ्ना सहकर्मीहरूसँग प्रदर्शनमा सामेल भएकी थिइन् । प्रदर्शनले रेलवे स्टेशन जाने अर्को सडक अवरुद्ध भएपछि प्रहरीले ग्रेटा थनबर्गलाई फेरि हिरासतमा लिएर प्रहरी चौकी लगेको थियो ।

जीवाश्म ईन्धन सब्सिडी सम्बन्धी छलफल अघि डच सरकारलाई दबाब दिने रणनीतिको रूपमा जुनमा वातावरणीय समूह विलुप्त विद्रोहद्वारा प्रदर्शनको आयोजना गरिएको थियो । सो क्रममा प्रहरीले आन्दोलनकारीलाई राजमार्गमा प्रवेश गर्न रोक्दै त्यसो गरे कडा कारबाही गर्ने चेतावनी समेत दिएको थियो ।