नाउपाका सुदूरपश्चिम प्रदेश सभा सदस्य घनश्याम चौधरी पार्टीबाट निलम्बित

३० चैत, काठमाडौं । नागरिक उन्मुक्ति पार्टी 'नाउपा' अध्यक्ष रञ्जिता श्रेष्ठले सुदूरपश्चिम प्रदेशका सांसद तथा मन्त्री घनश्याम चौधरीलाई तीन महिना निलम्बन गरेकी छिन्।

पार्टी अध्यक्ष श्रेष्ठले शुक्रबार प्रदेश सभामुख भीमबहादुर भण्डारीलाई पत्र पठाउँदै चौधरीलाई पार्टीबाट ३ महिना निलम्बन गरिएको जानकारी दिएकी हुन् ।

अध्यक्ष चौधरीले पार्टीको अन्तरिम विधान ०७८ धारा '१७' क को उपधारा २, ४ र ५ को प्रावधानअनुरुप पार्टीको केन्द्रीय कमिटीको शुक्रबारको निर्णयअनुसार निलम्बन सिफारिस गरिएको उल्लेख गरेकी छिन् । यसअघि अध्यक्ष श्रेष्ठकै सिफारिमा सांसद इन्दिरा गिरीलाई सभामुख भण्डारीले पदबाट निष्कासन गरिसकेका छन् ।

७ जना सांसद रहेको नागरिक उन्मुक्तिका पाँच जना सांसद रेशम चौधरी पक्षमा लागेपछि अध्यक्ष चौधरीले एकपछि अर्को गर्दै कारबाही गरिरहेकी हुन् । नागरिक उन्मुक्तिभित्रको विवादकै कारण सुदूरपश्चिममा सरकार गठनमा ढिलाइ भइरहेको छ ।