रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’

६ वैशाख, काठमाडौं । बिहीबार त्रिभुवन विमानस्थलबाट सिधै सिंहदरवार छिरेका नेकपा एमाले अध्यक्ष केपी शर्मा ओलीले प्रधानमन्त्री पुष्पकमल दाहाल प्रचण्ड र गृहमन्त्री रवि लामिछानेलाई राखेर सरकारी ठगीका विषयमा उठिरहेका विवादबारे छलफल गरेका छन् । उनले सहकारीको विषय सामान्य नभएको बताएका छन् । 

उच्च राजनीतिक स्रोतका अनुसार ओलीले एयपोर्ट बाटै प्रधानन्त्रीलाई फोने गरेका थिए । प्रधानमन्त्री प्रचण्डले मन्त्रिपरिषदको बैठक सकियो आउँदा हुन्छ भनेपछि ओली सिधै सिंहदरवार आएका थिए । त्यसपछि तीन नेताकाबीचमा सहकारी ठगी प्रकरणका विषयमा छलफल सुरु भएको थियो । 

छलफलमा ओलीले सहकारी ठगी प्रकरणमा कांग्रेसले उठाएका प्रश्न र बाहिर जनतामा परेको प्रभावबारे  प्रधानमन्त्री प्रचण्ड र गृहमन्त्री लामिछानेसँग सोधेका थिए । बाहिर यस्तो छ, कांग्रेस उफ्रिएको उफ्रिएकै छ, कांग्रेसले उठाएपनि सहकारी ठगीको विषय जनताको विषय हो, जनता ठगिएको विषय हो । यसलाई तपाइहरुले कसरी लिनुभएको छ भन्दै ओलीले चासो राखेका थिए ।

लामिछानेले यसबारे आफ्नो कुनै कमजोरी नभएको भन्दै कांग्रेसले राजनीतिक मुद्दा बनाएको तर्क गरेका थिए । सहकारी प्रकरणमा संलग्न भएको भन्दै कांग्रेसले उपप्रधान तथा गृहमन्त्री लामिछानको राजीनामा माग्ने तयारी गरिरहेका बेता तीन नेताबीच छलफल भएको हो ।

छलफलपछि लामिछानेले प्रदेशमा देखिएको विवादका कारण केन्द्रमा त्यसको असर नपर्ने विषयमा मात्र छलफल भएको जानकारी दिएका थिउ । उनले इलामको चुनावमा शिर्ष नेताहरु व्यस्त भएका हुनाले पछिल्लो परिस्थितिको विषयमा छलफल भएको बताएका थिए । 

प्रमुख प्रतिपक्ष कांग्रेसले सहकारी ठगी प्रकरणमा लामिछानेमाथि संसदीय छानविन समिति गठन हुनुपर्ने माग गरिरहेको बेला सरकारले संसद् अधिवेशन अन्त्य गरेको थियो । कांग्रेसले आगामी बजेट अधिवेशनमा समेत यो विषयलाई निरन्तरता दिने बताइसकेको छ । छलफलपछि गृहमन्त्री लामिछानेले तीन नेताबीच समग्र राजनीतिक विषयमा समीक्षा भएको प्रतिक्रिया दिए ।