पदमा अर्यालमाथि गम्भिर आरोप लगाउदै स्याङजा हरिनासका अध्यक्ष मानन्धरले एमालेबाट दिए राजीनामा

९ वैशाख, काठमाडौं । नेकपा एमालेको प्रतिनिधि परिषदको प्रथम बैठक चलिरहेको छ । बैठकमा अध्यक्ष केपी शर्मा ओलीको राजनीतिसहित विभिन्न प्रतिवेदनहरुमाथि सामूहिक छलफल चलिरहेको छ । यसै मेसोमा स्याङ्जाको हरिनास गाउँपालिका अध्यक्ष खिम नारायण मानन्धरले नेकपा एमालेबाट राजीनामा दिएको बताएका छन् । 

पार्टीप्रति असन्तुष्टि जनाउँदै मानन्धरले सामाजिक संजालमार्फत हरिनास गाउँपालिका अध्यक्ष पद र एमाले हरिनास गाउँपालिका कमिटी अध्यक्ष दुबै पदबाट राजीनामा दिएको घोषणा गरेका छन् । दुई कार्यकालसम्म हरिनासको अध्यक्षमा निर्वाचित गरेकोमा मतदातालाई उनले धन्यवाद दिएका छन् । 

जिल्ला कमिटीमा हरुवाहरुलाई मात्र पद दिइएको भन्दै गाउँपालिका अध्यक्ष र एमालेबाट राजीनामा दिने घोषणा गरेका हुन् । दोश्रो पटक चुनावमा गठबन्धनलाइ पराजित गरि २ पटक जितेको म जस्ता ठेट्नाहरुको पाटीमा कुनै स्थान र मुल्यांकन नरहेको कारणले यो पार्टीमा बसिरहन मनले मानेन,’ उनले लेखेका छन् ।

एमाले सचिव पदमा अर्याल र नारायण मरासिनिले गोजीबाट नाम निकालेर जिल्ला कमिटि पदाधिकारीमा बनाएको उनले आरोप लगाएका छन् । उनले नेकपा एमाले जस्तो परिवादवाद पार्टीमा बसिरहन नसकिएको जनाएका छन् । एमाले नेतृ अर्यालप्रति उनले निकै गहिरो दुःख पनि व्यक्त गरेका छन् ।