ट्याक्टर दुर्घटनाबाट सशस्त्र प्रहरीले बचाए चालकको ज्यान

११ वैशाख, रौतहट । रौतहटस्थित सशस्त्र प्रहरीको टोलीले जिवनमरणको दोसाँधमा परेका एकजना ट्याक्टर चालकको ज्यान बचाएको छ । 

राजपुर नगरपालिका २ फतुहा महेशपुर स्थीत हुलाकी राजमार्गमा आज अपरान्ह ४ बजे पुर्वबाट पश्चिम तर्फ जादै गरेको प्र २ -०३ ००१ त ३८९  नम्बरको फलामे छड लोड गरेको ट्याक्टर  अनियन्त्रित भई सडकको बाँया तर्फ खेतमा पल्टिएको थियो।

दुर्घटनामा परी ट्याक्टरमा सवार दुर्गाभगवति गाउँपालिका ३ मतसरीका वर्ष ३० का विश्वनाथ पण्डितको निधार र हात खुट्टामा सामान्य चोट पटक लागेको थियो।

दुर्घटनामा ट्याक्टर भित्र च्यापिएको चालक सोही ठाउँका बर्ष ३५ को चालक मुकेश पण्डितलाई सशस्त्र प्रहरीले राजपुर नगरपालिकाको जेसिविको मदतले उद्धार गरेको थियो।

चालक पण्डितको  शरिरको सम्पुर्ण भागमा चोट पटक लाग्नुका साथै दुबै हात भाचिएको साथै घाईतेलाई गम्भिर अबस्थामा उद्धार गरी थप उपचारको लागि प्रादेशिक अस्पताल गौरमा पठाईएको सशस्त्र प्रहरी रौतहटका प्रमुख एसपी बिक्रम हुमागाईले बताएका छन। उनीहरूलाई सशस्त्र प्रहरी सुरक्षा बेस क्याम्प फतुहाबाट असई सुवास थापाको कमाण्डमा ७ जना र ईलाका प्रहरी कार्यालय राजपुरबाट सई प्रमानन्द यादबको कमाण्डमा खटिएको ५ जनाको टोलीले उद्धार गरेको थियो ।