एक सयको नोटमा चुच्चे नक्सा राख्ने नेपालको निर्णयप्रति भारतले राख्यो चासो
नेपालबहस संवाददाता
बैशाख २३, २०८१ आइतबार ९:२८:२४
२३ वैशाख, काठमाडौं । गत बिहीबार बसेको मन्त्रिपरिषदको बैठकले एक सय रुपैयाँको नेपाली नोटमा नक्सा परिवर्तन गर्ने भन्दै गरेको निर्णयले नेपाल र भारतबीच सम्बन्धमा फेरी चिसोपना आउने देखिएको छ । सरकारले एक सय रुपैयाँको नोटमा चुच्चे नक्सा राख्न गरेको निर्णयमा भारतले असन्तुष्टि जनाएको छ ।
सीमा विवाद कायम रहेको र यसलाई समाधान गर्ने विषयमा दुई देशबीच कूटनीतिक वार्ता चलिरहेको सन्दर्भमा नेपालले एकलौटी निर्णय गरेको भारतको भनाइ छ । नेपालले २०७७ सालमा जारी गरेको नयाँ चुच्चे नक्सा एक सयको नोटमा राख्ने निर्णय गरेको छ । यो निर्णयलाई भारतले सीमासँग जोडिएको विषय भनेको छ ।
तत्कालीन नेकपा नेतृत्वको सरकारका प्रधानमन्त्री केपी शर्मा ओलीको समयमा सर्वदलीय सहमतिबाट चुच्चे नक्सा जारी भएको थियो । २०७७ सालमा लिपुलेक, लिम्पियाधुरा, कालापानी लगायतका भूभाग समेटिएको राजनीतिक तथा प्रशासनिक नयाँ नक्सा जारी भएपछि भारत नेपालको सम्बन्धमा तनाव आएको थियो । भारतले लिपुलेक, लिम्पियाधुरा र कालापानी क्षेत्र आफ्नो भएको दाबी गर्दै आएको छ ।
नेपाल सरकारको यो निर्णयप्रति भारतीय विदेशमन्त्री एस जयशंकरले यो विषय सीमा विवादसँग जोडिएको र नेपालको एकतर्फी निर्णय भएको बताएका छन् । नोटमा नयाँ नक्सा राख्ने निर्णयले धरातलीय यथार्थ नबदलिने धारणा भारतको भएको उनले बताएका छन् । विदेशमन्त्री जयशंकरले भारतको धारणा स्पष्ट रहेको र नक्सा परिवर्तन भए पनि धरातलीय यथार्थ परिवर्तन नहुने भनाइ राखेका छन् ।
नोटमा नयाँ नक्सा राख्ने कुरा सीमासँग सम्बन्धित रहेको र यसबारे दुई देशबीच स्थापित संयन्त्रमा छलफल भइरहेका बेला नेपालले एकतर्फी निर्णय आउनु आश्चर्यको विषय भएको भारतको भनाइ छ । २०७७ पछि विग्रीएको नेपाल भारत सम्बन्ध विस्तारै सुधारिँदै आएको थियो । अब फेरी भारतले नेपालको नोटमा राखिने नयाँ नक्सालाई लिएर प्रश्न उठाउन थालेको छ ।
नेपाल सरकारको यो निर्णयलाई लिएर अहिले भारतीय मिडियाहरुले चासोका साथ प्रसारण गरिरहेका छन् । नेपालले फेरी नक्साको कुरा उठाएर भारतसँग जोरी खोजेको टिप्पणी उनीहरुको छ । राजनीतिक दल र कूटनीतिक तहमा यसलाई उचाल्ने काम भारतीय मिडियाले गरेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआगामी असार २ गते व्यास नगरप्रमुखको पुनःमतगणना हुने
जेठ ११, २०८१ शुक्रबार
सदनको गतिरोध हटाउने विषयमा शीर्ष नेताबीचको छलफल सकारात्मक
जेठ ११, २०८१ शुक्रबार
आम जनता पार्टीको पदाधिकारी बैठक शनिबार बस्ने
जेठ ११, २०८१ शुक्रबार
सामाजिक सञ्जालकर्ताको विद्रूप र कैलाश सिरोहिया प्रकरण
विनोद त्रिपाठी
जेठ ९, २०८१ बुधबार
अवैध नदीजन्य पदार्थ ओसारपसार गरिरहेका टिपर स्थानीयको नियन्त्रणमा
नेपालबहस संवाददाता
जेठ १०, २०८१ बिहिबार
यस्तो छ सहकारीको शिर, दलीय वर्चश्वमा एमाले !
केदार भट्टराई (काका)
जेठ १०, २०८१ बिहिबार
भारतीय कारखानामा विस्फोट : मृत्यु हुनेको संख्या ११ पुग्यो
जेठ ११, २०८१ शुक्रबार
पाक्वेटालाई स्पट फिक्सिङको आरोप, १० बर्षको प्रतिबन्ध लाग्न सक्ने
जेठ ११, २०८१ शुक्रबार
भारतीय मूलका विनोद चौधरीका कर्तुत खोजिँदै, कसरी छिरे नेपाल ?
जेठ ११, २०८१ शुक्रबार
कालीगण्डकी नदीमा युनिक मोटरेवल पुल निर्माण
जेठ १२, २०८१ शनिबार
पदयात्राको गन्तव्य बन्दै देवचुली डाँडा
जेठ १२, २०८१ शनिबार
के तपाईको हातमा पैसा जोगिदैन ? यी तरिकाहरु अपनाउनुस् !
जेठ १२, २०८१ शनिबार
गण्डकीका एक लाख १० हजार बालबालिकालाई आइपिभी खोप
जेठ १२, २०८१ शनिबार
सनराइजर्स हैदरावाद आइपिएलको फाइनलमा
जेठ १२, २०८१ शनिबार
हान्सी फ्लिक बार्सिलोनाको प्रशिक्षक बन्दै
जेठ १२, २०८१ शनिबार