नारायणीमा ३० करोडको एमआरआई मेसिन ६ महिनामै विग्रियो
आबिद हुसेन
बैशाख २७, २०८१ बिहिबार १७:४४:१५
२६ वैशाख, वीरगन्ज । वीरगन्जको नारायणी अस्पतालको एमआरआई मेसिन विग्रदा सेवाग्राहीले सास्ती भोग्नु परेको छ । एमआरआई मेसिन विग्रदा निजी अस्पतालमा दोब्बर शुल्क बुझाएर सेवा लिन बाध्य हुनु पर्दा सेवाग्राहीले सास्ति भोग्नु परेको हो ।
३० करोड रुपैयाँमा खरिद गरेर ल्याइएको एमआरई मेसिन नारायणी अस्पतालमा ६ महिना अघि मात्रै जडान गरेर सञ्चालनमा ल्याइएको थियो । सेवा सुरु गरेको ६ महिनामै विग्रिदा ८ हजार रुपैयाँमा उपलब्ध एमआरआई सेवाका लागि बिरामीले निजी अस्पतालमा १५ देखि १६ हजार रुपैयाँ तिर्न बाध्य हुनु परेको छ ।
गत असोज २३ गते संघीय सरकारका तत्कालीन स्वास्थ्य तथा जनसंख्या मन्त्री मोहन बस्नेतले नारायणी अस्पतालको एमआरआई कक्षको उद्घाटन गरे पनि गत कार्तिक १४ गतेदेखि एमआरआई सेवा सञ्चालनमा आएको थियो।
नारायणी अस्पतालका मेडिकल सुपरिटेन्डेन्ट डाक्टर चित्त रञ्जन साहले भने एमआरआई मेसिनको सफ्टवेयरमा समस्या देखिएपछि दुई हप्तादेखि सेवा अवरुद्ध भएको बताए ।
मेसिनको सफ्टवेयर अपडेट 'अद्यावधिक' हुन नसकेका कारण सेवा अवरुद्ध भएको उनले बताए । मेसिनको आपूर्तिकर्ता कम्पनी लुम्बिनी हेल्थ केयर प्रालिले मेसिनको बाँकी रहेको २० प्रतिशत रकम भुक्तानी नपाएका कारण सफ्टवेयर अपडेट नगरिदिदाँ एमआरआई मेसिनमा समस्या देखिएको साहले बताए ।
अस्पतालका अनुसार एमआरआई मेसिन वारेन्टी पिरियडमै रहेकाले त्यसको सम्पूर्ण जिम्मेवारी आपूर्तिकर्ता कम्पनीकै रहेको भएपनि २० प्रतिशत रकम भुक्तानी नपाएको कारण उसले सफ्टवेयर अपडेट नगरिदिएको उनले जनाए ।
साहले आपूर्तिकर्ता कम्पनीलाई भुक्तानी गर्न बाँकी रहेको २० प्रतिशत रकम अमेरिकी डलरको भाउ बढेका कारण भुक्तानी गर्न नसकिएको भन्दै अपुग रकमका लागि मन्त्रालयसँग आग्रह गरिसकिएको बताए ।
उक्त एमआरआई मेसिन खरदि गरि ल्याएपनि हिलियम ग्याँसको अभावका कारण अस्पताल परिसरमा करिब तीन महिना जति खुल्ला आकाशमुनि राखिएको थियो ।
मेसिन आपूर्तिकर्ता लुम्बिनी हेल्थ केयर प्रालिले त्यसबेला मेसिनमा प्रयोग हुने हिलियम ग्याँस बजारमा नपाइएको कारण देखाउँदै अस्पतालमा मेसिन जडानमा ढिलाई गरेको थियो ।
आपूर्तिकर्ताले अस्पतालमा मेसिन जडान गरेपछि पनि जेनेरेटरको अभाव र प्राविधिक कारणले उक्त मेसिन ६ महिनासम्म प्रयोगविहिन अवस्थामा थन्क्याएर राखिएको थियो । पछि दैनिक १५ हजार रुपैयाँ भाडा तिर्ने गरी ५०० केभिएको जेनेरेटर अस्पतालले ल्याएर एमआरआई मेसिन सञ्चालनमा ल्याइएको थियो।
आबिद हुसेन
आबिद हुसेन नेपालबहस डटकमका मधेश प्रदेश प्रमुख हुन् । बिगत डेढ दशकदेखि विभिन्न सञ्चारमाध्यममा सक्रिय पत्रकारिता गर्दै आएका हुसेनले एफएम रेडियो, टेलिभिजन एवं पत्रपत्रिकाहरुमा आबद्ध रही काम गर्दै आएका छन् । हुसेन यसअघि सगरमाथा टेलिभिजन, क्राइम टुडे मासिकको बीरगञ्ज संवाददाता तथा बीरगञ्जबाट प्रकाशित हुने दिशानिर्देश अनलाइनमा सम्बद्ध रहेका छन् ।
लेखकबाट थपभारतबाट ल्याइएको ३४ सय किलो धान रौतहटमा बरामद
जेठ १८, २०८१ शुक्रबार
मधेस आन्दोलनमा ढलेको गिरिजाप्रसाद कोइरालाको सालिक फेरि ठडियो
जेठ १८, २०८१ शुक्रबार
जनकनन्दिनी बन्यो पूर्णखोप पालिका
जेठ १७, २०८१ बिहिबार
सशस्त्रमा आईजीपी अर्याल विरुद्ध मोर्चाबन्दी !
नेपालबहस संवाददाता
जेठ १६, २०८१ बुधबार
घट्यो पेट्रोलियम पदार्थको मूल्य, ग्यासको यथावत
नेपालबहस संवाददाता
जेठ १८, २०८१ शुक्रबार
घट्यो पेट्रोलियम पदार्थको मूल्य, ग्यासको यथावत
जेठ १८, २०८१ शुक्रबार
बजेट सच्याउने निर्णय गराएर करका दरमाथि खेल्दै अर्थमन्त्री, 'टाइपिङ इरर' भएको बहाना
जेठ १८, २०८१ शुक्रबार
गृहमन्त्रीको नजरः सुन तस्करीमा संलग्न निजामतिलाई काखा, प्रहरीलाई पाखा
जेठ १८, २०८१ शुक्रबार
तपाईको आजको राशीफल कस्तो छ ?
जेठ १९, २०८१ शनिबार
समयमै क्यासिनो नवीकरणको आवेदन नदिए इजाजतपत्र खारेज हुने
जेठ १८, २०८१ शुक्रबार
स्वास्थ्य क्षेत्रको समस्या समाधान गर्न मन्त्री यादवद्वारा समिति गठन
जेठ १८, २०८१ शुक्रबार
वाग्मती प्रदेशको नीति तथा कार्यक्रम स्वीकृत
जेठ १८, २०८१ शुक्रबार
अत्यधिक गर्मीले बर्दियाका विद्यालय थप ६ दिन बन्द
जेठ १८, २०८१ शुक्रबार
दुबईबाट फर्केर तरकारीखेती
जेठ १८, २०८१ शुक्रबार