प्रधानमन्त्री आउने भएपछि सल्यानको दार्मा गाउँपालिकामा सार्वजनिक विदा

२८ वैशाख, काठमाडौं । प्रधानमन्त्री पुष्पकमल दाहाल प्रचण्ड आउने भएपछि सल्यानको दार्मा गाउँपालिकामा सार्वजनिक बिदा दिएको छ । दार्मा गाउँपालिकाको प्रशासकीय भवन उद्घाटन गर्न प्रधानमन्त्री प्रचण्ड आज बिहान नेपाली सेनाको हेलिकप्टरबाट सल्यान आउने कार्यक्रम छ ।

प्रधानमन्त्री प्रचण्ड आउने भएपछि गाउँपालिका अन्तर्गतका सबै सरकारी कार्यालय र विद्यालयहरूमा बिदा दिइएको गाउँपालिका अध्यक्ष निमबहादुर केसीले जानकारी दिए ।  प्रधानमन्त्री प्रचण्डले दार्मा गाउँपालिकाको प्रशासकीय भवन उद्घाटन र पालिकाको भवन नजिक पर्ने शहीद गेटमा माल्यार्पण गर्ने कार्यक्रम रहेको केसीले बताए ।  

गत कात्तिक १७ गते जाजरकोटको बारेकोट गाउँपालिका १ रामिडाँडा केन्द्रविन्दु भएर ६.४ म्याग्निच्युडको भूकम्प जाँदा सल्यानको सबैभन्दा धेरै दार्मा गाउँपालिका प्रभावित भएको थियो ।