सिद्धार्थ बैंकको प्रमुख आम्दानी नै घट्यो, वितरण योग्य मुनाफा २७ करोड माइनसमा

३ जेठ, काठमाडौं । मारवाडी समुदायको वर्चश्व रहेको सिद्धार्थ बैंकको वित्तीय अवस्था दिन प्रतिदिन बिग्रँदो छ ।  बैंकको वितरण योग्य मुनाफा ऋणात्मक छ भने प्रमुख आम्दानीको स्रोतमा रहेको खुद ब्याज आम्दानी पनि घटेको छ ।

बैंकको संचालक समितिको अध्यक्षमा  मनोजकुमार केडिया रहेका छन् । बैंकको संचालक समितिका अन्य सदस्यमा नरेन्द्रकुमार अग्रवाल, राहुल अग्रवाल, दिनेशशंकर पालिखे, अङ्कित केडिया, मीनाकुमारी सैंजु रहेका छन् ।

त्यस्तै बैंकको उच्च व्यवस्थापनमा सीईओ सुन्दरप्रसाद कडेलदेखि डेपुटी सीईओमा रामेश्वरप्रसाद बस्याल र सहायक सीईओमा शेरबहादुर बुढाथोकी रहेका छन् । यसैगरी बैंक व्यवस्थापनका विभागीय कर्मचारीहरूमा अर्जुनभद्र खनाल, सिर्जनकृष्ण मल्ल, सुरेशराज महर्जन, प्रसन्न खडका, शैलजा ज्ञवाली, मनोहर केसी र प्रदीप पन्त रहेका छन् ।

कस्तो आयो सिद्धार्थ बैंक लिमिटेडको आर्थिक वर्ष २०८०–८१ के तेस्रो त्रैमासको वित्तीय प्रतिवेदनः
खुद मुनाफाः
चालू आर्थिक वर्षको तेस्रो त्रैमास अर्थात् ९ महिनाको अवधिमा बैंकले १ अर्ब ६८ करोड खुद मुनाफा गरेकोमा गत आर्थिक वर्षको तेस्रो त्रैमाससम्ममा बैंकले १ अर्ब ४९ करोड बराबर खुद मुनाफा गरेको थियो । यसरी खुद मुनाफा १३.०२ प्रतिशतले मात्र बढेको छ ।

खुद ब्याज आम्दानी र संचालन मुनाफाः
गत आर्थिक वर्षको तेस्रो त्रैमाससम्ममा कम्पनीले ६ अर्ब ७ करोड बराबर खुद ब्याज आम्दानी गरेकोमा चालू आर्थिक वर्षको तेस्रो त्रैमाससम्म कम्पनीले ६ अर्ब १ करोड खुद ब्याज आम्दानी गरेको छ । यसरी खुद ब्याज आम्दानी १.०३ प्रतिशत घटेको छ । त्यस्तै, संचालन मुनाफा १४.४२ प्रतिशत बढेर २ अर्ब ४४ करोड पुगेको छ । गत वर्षको तेस्रो त्रैमाससम्ममा संचालन मुनाफा २ अर्ब १३ करोड थियो।

प्रतिशेयर आम्दानीः
कम्पनीको वार्षिक प्रतिशेयर आम्दानी १६.१० रुपैयाँ हुन आउँछ । एक वर्ष अघि प्रतिशेयर आम्दानी १४.२४ रुपैयाँ थियो।
वितरण योग्य मुनाफाः
कम्पनीको वितरण योग्य मुनाफा २७ करोड १२ लाख ऋणात्मक रहेको छ । गत आर्थिक वर्ष वितरण योग्य मुनाफा ४५ करोड ६६ लाख ऋणात्मक थियो ।
निक्षेप, कर्जाः
कम्पनीले चालू आर्थिक वर्षको तेस्रो त्रैमाससम्म २ खर्ब २६ अर्ब निक्षेप संकलन गरी १ खर्ब ९३ अर्ब कर्जा प्रवाह गरेको छ । आर्थिक वर्ष २०७९/८० को असार मसान्त र अहिलेको तथ्याङ्कलाई दाँजेर हेर्दा कम्पनीको निक्षेप संकलन १.३५ प्रतिशतले बढेको छ भने कर्जा प्रवाह ४.९० प्रतिशतले बढेको छ ।

जगेडा कोष, संचित मुनाफाः
जगेडा कोष १७.५५ प्रतिशतले बढेर १२ अर्ब ४० करोड पुगेको छ भने संचित मुनाफा २७ करोड ऋणात्मक छ ।
किताबी मूल्यः 
कम्पनीको किताबी मूल्य (प्रतिशेयर नेट्वर्थ) १८६.११ रुपैयाँ आउँछ ।

निष्क्रिय कर्जाः
कम्पनीको खराब कर्जा घट्दै २.५२ प्रतिशत रहेको छ । गत आर्थिक वर्षको तेस्रो त्रैमासमा खराब कर्जा ३.९५ प्रतिशत थियो ।

आधार ब्याजदर, स्प्रेडदरः
बैंकको आधार ब्याजदर घट्दै ८.४६ प्रतिशत पुगेको छ । स्प्रेडदर ३.९९ प्रतिशत छ । गत आर्थिक वर्ष सोही अवधिमा स्प्रेडदर ४.१८ प्रतिशत थियो ।
ठूला शेयरधनीः
आर्थिक वर्ष २०७९/८० को वार्षिक प्रतिवेदन अनुसार कम्पनीको सबैभन्दा ठुलो शेयरधनीमा प्रुडेन्सियल इन्भेष्टमेन्ट कं. प्रा. लि. रहेको छ । प्रुडेन्सियल इन्भेष्टमेन्ट कम्पनीको ३ दशमलव २३ प्रतिशत शेयर स्वामित्व रहेको छ ।

लाभांश इतिहासः
कम्पनीले आर्थिक वर्ष २०७९/८० मा जम्मा ४ दशमलव २१ प्रतिशत नगद लाभांश दिएको थियो ।