कांग्रेसले अवरोध गरेपछि राष्ट्रिय सभा बैठक भोलि १ बजेसम्म स्थगित

३ जेठ, काठमाडौं । नेपाली कांग्रेसले राष्ट्रिय सभाको बैठक अवरोध गरेको छ । सहकारी छानबिनको विषयमा सत्तारुढ दल र प्रमुख विपक्षी दलबीच कुरा नमिल्दा कांग्रेसले बिहीबार राष्ट्रिय सभामा अवरोध जारी राखेको हो । अर्को बैठक शुक्रबार १ बजे बोलाइएको छ ।  

संसदीय छानबिन समितिको विषयलाई लिएर राष्ट्रिय सभा अवरोध भएको हो ।  कांग्रेसले गृहमन्त्री रवि लामिछाने सहकारीको बचत अपचलनमा संलग्न भएको र सहकारी ठगीको विषयमा संसदीय समिति बनाएर छानबिन गर्नुपर्छ भनिरहेको छ । उक्त समिति नबन्दा बैठकमा अवरोध गरेको हो । 

कांग्रेसले अवरोध गरेपछि राष्ट्रिय सभा नियमित कार्यसूचीमा प्रवेश गर्न सकेन । दलहरूबीच सहमति हुने संभावना भएपछि प्रधानमन्त्रीको अनुरोधमा बिहीबारको बैठक ४ ः ३० बोलाएको बैठक अघि बढ्न सकेन । राष्ट्रिय सभाको अर्को बैठक शुक्रबार १ः१५ मा बस्नेछ ।