कपिलवस्तुमा बस र पिकअप ठोक्किदा १ जनाको मृत्यु, ८ घाइते

२९ जेठ, कपिलवस्तु। कपिलवस्तुको बुद्ध भूमि नगरपालिका ४ झडुलामाईमा यात्रु बाहक बस र पिकअप ठोकिँदा एक जनाको मृत्यु भएको छ।  मंगलबार बिहान ५:३० बजे काठमाडौंबाट  सुर्खेत जाँदै गरेको क.प्र. ०२–००१ख ०५२५ नम्बरको बस र लु १ च ९२८४ नम्बरको पिकअप एक आपसमा ठोकिएका थिए।

घटनामा परी पिकअप चालक कपिलवस्तु शिवराज नगरपालिका बस्ने हिरालाल बढईको घटना स्थलमा मृत्यु भएको जिल्ला ट्राफिक प्रहरी कार्यालय कपिलवस्तुका प्रहरी निरीक्षक अनिश भण्डारीले बताए। ठक्करपछि पिकअपमा च्यापिएका बढईको २ घण्टापछि उद्धार गरिएको थियो। अन्य घाइतेलाई उपचारको लागि बुटवल पठाइएको प्रहरीले जनाएको छ।