आत्मसम्मान गुमाएर बस्न सकिन्न, सांसदको काम माग्ने हो कि दिने हो क्लियर हुनुपर्यो: बद्री पाण्डे
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
जेठ २९, २०८१ मंगलबार १३:८:३५
![](https://nepalbahas.prixacdn.net/media/albums/Badri-pande_rh7OjrXS0K_CUZtk69BHP.jpg)
२९ जेठ, काठमाडौं । नेपाली कांग्रेसका सांसद बद्रीप्रसाद पाण्डेले बजेट पहुँचको आधारमा विनियोजन भएको टिप्पणी गर्दै सांसदको काम माग्ने हो कि दिने हो यसमा प्रस्ट हुनुपर्ने समय आएको बताएका छन् । मंगलबार प्रतिनिधि सभामा शिक्षा विज्ञान तथा प्रविधि मन्त्रालय, श्रम रोजगार तथा सामाजिक सुरक्षा मन्त्रालय र कृषि तथा पशुपंक्षी विकास मन्त्रालयको बजेटमाथिको छलफलमा भाग लिँदै उनले सांसदको भूमिकामा प्रश्न उठाएका हुन् ।
अर्थमन्त्रीको प्राथमिकता, नीति तथा कार्यक्रम र बजेटमा तादम्यता नरहेको उल्लेख गर्दै उनले भने, मन्त्रीले आफ्नो निर्वाचन क्षेत्र हेर्ने प्रवृति दोहोरिएको छ । यसले समाजवादउन्मुख बजेट गर्ने कुरामा उपहास भएको छ । एकै मन्त्रीले आफ्नो जिल्लामा २०३ वटा योजना लिएर लगेको आफूले पाएको भन्दै उनले पहुँचका आधारमा योजना र बजेट तर्जुमा गर्दा अन्य सांसदहरू निरीह हुन पुगेको बताए ।
उनले भने, ‘चुनावमा सबै दिने भनेर आउँछौं तर सांसद भएपछि माग्ने जस्तो हुन्छौं । सांसदले के काम गर्ने हो त्यसमा क्लियर गर्नुपर्छ । हामी विधायक हौं र कानुन बनाएर मात्रै रहन्छौं भन्ने हो भने यही संसदले संकल्प गर्नुपर्छ । होइन भने सांसदले लाचार भएर मन्त्री र कर्मचारीको ढोकामा आत्मसम्मान गिराउनुपर्ने प्रवृतिको अन्त्य हुनुपर्छ ।’
यसअघि शुन्य समयमा उनले अछामस्थित बयलपाटा अस्पतालका लागि तत्काल कम्तीमा १० करोड बजेटको व्यवस्था गर्न सरकारसँग माग गरेका छन् । पाण्डेले अछामको बयलपाटा अस्पताल बजेटको अभावमा बन्द हुने अवस्थामा पुगेको उल्लेख गर्दै चालु आर्थिक वर्षभित्रै आवश्यक बजेटको व्यवस्था मिलाउन माग गरेका हुन् । स्वास्थ्य तथा जनसंख्यामन्त्री प्रदीप यादवलाई उक्त माग गरिसकिएको, प्रधाननमन्त्री पुष्पकमल दाहाल र अर्थमन्त्री वर्षमानले पनि त्यसका लागि सहयोग गर्ने विश्वास राखेको सांसद पाण्डेको भनाइ थियो ।
सांसद पाण्डेले अछामसहित बाजुरा, कालिकोट, मुगु, डोटी, दैलेख, हुम्लाजस्तो विकट जिल्लाहरूमा एक वर्षमा करिब १ लाख सेवाग्राहीले निःशुल्क गुणस्तरीय सेवा प्राप्त गर्ने सो अस्पताल सञ्चालनका लागि आवश्यक बजेटको व्यवस्था गरेर उचित वातावरण निर्माण गर्न संघीय सरकारले ढिलाई गर्न नहुने बताए । चालु आर्थिक वर्षमा अस्पतालमा भएको खर्चको व्यवस्था सरकारले गर्नुपर्ने पाण्डेको भनाइ थियो । आगामी आर्थिक वर्षका लागि उक्त अस्पताललाई बजेट व्यवस्था गर्न सुदूरपश्चिम प्रदेश सरकारसँग सांसद पाण्डेले माग गरेका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराम्रो काम गर्दागर्दै सरकारबाट बाहिरिनुपरेको प्रचण्डको ब्रिफिङ
साउन ११, २०८१ शुक्रबार
मौद्रिक नीतिले समर्थन र स्वागत पाएको छः प्रधानमन्त्री
साउन ११, २०८१ शुक्रबार
प्रदेश सभाले संसदीय दलको नेता परिवर्तन गर्न नमानेपछि रेशम चौधरीलाई लुम्बिनीमा धक्का
साउन ११, २०८१ शुक्रबार
बाग्मतीमा कुन्दन काफ्लेको लफडाले रोकियो मन्त्रीहरुको शपथ
नेपालबहस संवाददाता
साउन ११, २०८१ शुक्रबार
सौर्य एयर दुर्घटना: यस्ता छन हृदयविदारक तस्वीरहरु
नेपालबहस संवाददाता
साउन ९, २०८१ बुधबार
माधव नेपालले दिए पार्टी फुटाउने कोसिस भइरहेको संकेत
नेपालबहस संवाददाता
साउन १०, २०८१ बिहिबार
आफूमाथि बलात्कार नभएको भन्दै सन्दीपविरुद्ध मुद्दा अगाडि नबढाउन गौशाला–२६ ले दिइन निवेदन
साउन ११, २०८१ शुक्रबार
'आइभिएफ' प्रविधिबाट बच्चा जन्माउनेको संख्या किन बढ्दैछ ?
साउन १२, २०८१ शनिबार
चलचित्र नमेटिने घाउमा माधव नेपाल
साउन १२, २०८१ शनिबार
क्लबको भूमिका समाज सेवामा होः मुख्यमन्त्री कार्की
साउन १२, २०८१ शनिबार
पूर्वप्रधानमन्त्री माधव नेपालले गरे चलचित्र “नमेटिने घाउ’’को आफ्नो दृश्यको डबिङ
साउन १२, २०८१ शनिबार
अर्थतन्त्र सुधार्न टालटुल गर्ने कि वास्तबिक समस्यासम्म पुगेर समाधान गर्ने ?
साउन १२, २०८१ शनिबार